មេដឹក​នាំអាស៊ាន-ឥណ្ឌា អញ្ជើញ​ទស្សនា​ក្បូន​ព្យូហយាត្រា នៃទិវាសាធារណរដ្ឋ របស់សាធារណរដ្ឋឥណ្ឌា

126

នៅព្រឹកថ្ងៃទី២៦​ មករា ដែលជាថ្ងៃទី៣នៃការស្នាក់នៅ​បំពេញការងារ នៅសាធារណ​រដ្ឋឥណ្ឌា បណ្តាប្រ​មុខរដ្ឋ​ប្រមុខរដ្ឋាភិបាល នៃប្រទេសអាស៊ាន និង​សាធារណ​រដ្ឋឥណ្ឌា បានយាង និងអញ្ជើញជាព្រះ​រាជ​អធិបតី និង​អធិបតី​ដ៏ខ្ពង់ ខ្ពស់ ក្នុង​ពិធី​ទស្សនា​ក្បូន​ព្យូហយាត្រា នៃទិវា​សាធារណ​រដ្ឋ របស់​សាធារណ​រដ្ឋឥណ្ឌា។ ពិធីផ្លូវកា​រដែល​ប្រារព្វ​ធ្វើឡើង នៅ​ចំកណ្តាល​ទីក្រុងញ៉ូវ​ដែល្លី បណ្តាមេដឹក​នាំអាស៊ាន-ឥណ្ឌា ក៏ដូចជាប្រជាពល​រដ្ឋឥណ្ឌាគ្រ​ប់​ស្រទាប់​វណ្ណៈបាន យាង និង​អញ្ជើញ​ចូលរួម​ពិធីដ៏​មាន​អត្ថន័យ​ជាប្រវត្តិ​សាស្រ្ត របស់​ប្រទេស និងប្រជាជន​ឥណ្ឌា ក្រោម​អា​កាស​​ធាតុត្រ ជាក់​ ៨អង្សាសេ និងផ្ទៃ​មេឃចុះ​អព័ង្ស។ នៅក្នុង​ពិធីព្យូហយាត្រា​នោះ បណ្តា​មេដឹកនាំអាស៊ាន-ឥណ្ឌា បាន​ទតនិង តាមដាន​យ៉ាងយក​ចិត្តទុកដាក់ ពីការដង្ហែរក្បូនតា​ម​បែបប្រពៃណី​របស់ឥណ្ឌា ការហែរក្បូន​យន្ត សេះ សត្វអូដ ការហែក្បូន​យោធា និងយុទ្ធភណ្ឌយោធា រួមទាំង​ការហែរក្បូ​ន​ពីប្រពៃណី​សាសនា​របស់​ប្រទេសឥណ្ឌា តាមបែបផែ​ន​នីមួយៗ។

គួបញ្ជាក់ថា សាធារណ​​រដ្ឋឥណ្ឌា មានផ្ទៃក្រឡា​ទំហំ៣​លាន​២៨៧ពាន់​ ២៦៣គីឡូម៉ែត្រការ៉េ ចែកជា២៩រដ្ឋ និង​៧​ដែនដី ចំណុះ​រដ្ឋស​ហភាព មានព្រំប្រទល់​ជាប់ និងប្រទេស​បង់ក្លា​ដែស ប៊ូតាន មីយ៉ានិម៉ារ ចិន នេប៉ាល់ និងប៉ាគីស្ថាន និង​មាន​ប្រជាជន​សរុបចំនួន១​ពាន់ ២៧០លាននាក់ តួលេខក្នុង ខែកក្កដា ឆ្នាំ២០១៦។ ថ្ងៃបុណ្យជាតិ​របស់សាធារណ​​រដ្ឋឥណ្ឌា គឺនៅថ្ងៃទី២៦ ខែមករាឆ្នាំ១៩៥០។ ប្រជាជនកាន់​សាសនាហ៊ិន​ឌូមាន​៨០,៥០% ម៉ូស្លីម១៣,៤០% និងជំ នឿផ្សេងៗជាង៦%។ ស្ថានភាពសេដ្ឋកិច្ច​របស់សាធារណរដ្ឋឥណ្ឌា កាលពីឆ្នាំ២០១៦​កន្លង​ទៅ កំណើន​សេដ្ឋកិច្ច​ប្រចាំ​​ឆ្នាំ​មានទំហំ៧,៦% ក្នុងនោះ GDP សម្រាប់​មនុស្សម្នាក់​ស្មើនិង ១ពាន់៧០៩,៦ ដុល្លា​អាមេរិក​​។ ផលិតផល​​តាម​វិស័យគិតជាភាគរយ ក្នុងវិស័យក​សិកម្មមាន១៧,៤% ឧស្សាហកម្មមាន២៨,៨% និង​សេ​វាកម្ម​មាន៤៦,២% ជា​មួយគ្នា​នេះទំហំ​ពាណិជ្ជកម្ម​នៃការនាំចេញ​របស់​សាធារណរដ្ឋឥណ្ឌា កាលពីឆ្នាំ២០១៦ មាន​ទឹកប្រាក់សរុប ២៦៨,៦​ពាន់​លានដុល្លា ឯការនាំចូល​មានទឹកប្រាក់​សរុប ៣៧៦,១ពាន់លានដុល្លា។

នៅក្នុង​ពិធីដង្ហែរក្បូននោះ ក៏មានការ បង្ហាញនូវយុទ្ធ​ចម្បាំងទាំងផ្នែក​កងទ័ពជើងទឹក ជើង​គោក ​និងជើង​អាកាស ដែល​ផលិតនៅ​​សាធារណរដ្ឋឥណ្ឌា។ បណ្តាមេដឹកនាំអាស៊ាន-ឥណ្ឌា ក៏ដូចជាប្រជាពល​រដ្ឋឥណ្ឌា​ទាំងអស់ ដែល​បានយាង​និងញ្ជើញ​ចូលរួមថត និងទស្សនា​ពិធី​ហែ​ក្បូណព្យូហយាត្រានោះ សុតតែបានសំដែងនូវការវាយតម្លៃខ្ពស់ និងកោតសរសើរចំពោះការអភិវឌ្ឍនូវ​សមត្ថភាពដ៏រស់រវើក និងប៉ិនប្រសព្វពីសំណាក់ថ្នាក់ដឹកនាំ និងប្រជាជនឥណ្ឌា ក្នុងការកសាងសេដ្ឋកិច្ចលំដាប់អន្តរ​ជាតិ ពិសេសការកសាងនូវអាវុធយន្តភណ្ឌនានា ក្នុងវិស័យការពារជាតិ ក៏ដូចជាការកសាងសមត្ថភាពជំនាញនានា។

សូមបញ្ជាក់ដែរថា នៅក្នុងក្បូនព្យូហយាត្រានោះ បានចំណាយពេល​ប្រមាណ១ម៉ោងនិង​៣០​នាទី ដោយបានបង្ហាញ​ពី​គ្រប់ផ្នែកទាំងអស់ ពិសេសការអភិវឌ្ឍ​បច្ចេកវិទ្យា និងគ្រឿងយុត្តភណ្ឌ​នា​​នារបស់​ឥណ្ឌា។