នៅល្ងាចថ្ងៃទី ១១ ខែវិច្ឆិកាដដែលនេះ លោកស្រីអតីប្រធានាធិបតីហ្វីលីពីន Arroyo បានរៀបចំពិធីលៀងសាយភោជន៍ជូន សម្តេចតេជោ ហ៊ុន សែន នាយករដ្ឋមន្រ្តី និងគណៈប្រតិភូជាន់ខ្ពស់កម្ពុជា។នៅនៅក្នុង ពិធីលៀងសាយភោជន៍នេះក៏មានមន្រ្តីសំខាន់ៗរបស់ប្រទេសហ្វីលីពីនជាច្រើនរូប និងលោកជំទាវ Aung San Suu Kyi នៃប្រទេសមីយ៉ាន់ម៉ា ក៏បានអញ្ជើញចូលរួមផងដែរ។
លោកជំទាវ Gloria Macapagal Arroyo បានចាត់ទុក សម្តេចតេជោ ជាមិត្តល្អរបស់ហ្វីលីពីន ហើយលោកស្រីនឹងខិតខំជួយពង្រឹងបន្ថែមនូវកិច្ចសហប្រតិបត្តិការ ជាពិសសេស ជួយជំរុញនូវទំនាក់ទំនងពាណិជ្ជកម្មរវាងប្រទេសទាំងពីរអោយកាន់តែរីកចម្រើនខ្លាំងឡើងថែមទៀត។ ពិធីលៀងសាយភោជន៍បានបញ្ចប់ប្រកបទៅដោយបរិយាកាសរីករាយ និងស្និទ្ឋស្នាលក្រៃលែង៕
