អង្គភាពព័ត៌មាន និងប្រតិម្មរហ័សនៃទីស្តីការគណៈរដ្ឋមន្ត្រី បានបញ្ចេញផ្សាយវីដេអូផ្លូវការក្រោមចំណងជើងថា «តែរយៈពេលជាង៣ខែប៉ុណ្ណោះ រាជរដ្ឋាភិបាលដឹកនាំដោយ សម្តេចធិបតី ហ៊ុន ម៉ាណែត សម្រេចបានសមិទ្ធផលជាច្រើនជូនជាតិ និងប្រជាជន» ជាមួយនឹងការអះអាងថា គិតមកទល់ពេលនេះ មានរយៈពេលត្រឹមតែជាង ៣ខែប៉ុណ្ណោះ នៃការចាប់កំណើតរបស់រាជរដ្ឋាភិបាលអាណត្តិទី៧ ដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
ខ្លឹមសារវីដេអូបានបញ្ជាក់ថា ជាង៣ខែ នៃអាណត្តិ៥ឆ្នាំពិតជាខ្លីណាស់ ជាពិសេសសម្រាប់រាជរដ្ឋាភិបាលថ្មីមួយដែលទើបចាប់ផ្តើមចូលកាន់តំណែង។ ប៉ុន្តែបើនិយាយពីសមិទ្ធផលដែលសម្រេចបានវិញ រាជរដ្ឋាភិបាលបន្តវេនរបស់គណបក្សប្រជាជនកម្ពុជា សម្រេចបានស្នាដៃច្រើនជាងពេលវេលាឆ្ងាយណាស់។ សមិទ្ធផលទាំងនេះសម្រេចបានដោយសារតែរាជរដ្ឋាភិបាលថ្មី កើតភ្លាម ធ្វើការភ្លាម ធ្វើដោយសកម្ម ដោយឆន្ទៈមោះមុត និងប្រកបដោយចក្ខុវិស័យវែងឆ្ងាយនិងច្បាស់លាស់។
សូមទស្សនាវីដេអូសមមិទ្ធផលធំៗដែលរាជរដ្ឋាភិបាលដឹកនាំដោយសម្តេចធិបតី ហ៊ុន ម៉ាណែត សម្រេចបានជូនជាតិមាតុភូមិ៖ ដូចតទៅ៖
