សម្តេចធិបតី ហ៊ុន ម៉ាណែត បានថ្លែងថា រដ្ឋាភិបាលតែងតែដេកគិតរិះរកដំណោះស្រាយជូនប្រជាពលរដ្ឋ ពោលគឺដោះស្រាយបញ្ហាអវិជ្ជមានដែលនៅសេសសល់ ហើយបង្កើននូវផលវិជ្ជមានបន្ថែមទៀតជូនបងប្អូនប្រជាពលរដ្ឋ។
ថ្លែងក្នុងឱកាសអញ្ជើញចុះជួបសំណេះសំណាលជាមួយ «បងប្អូនកម្មករ និយោជិត ចំនួន ១៨១០៨ នាក់នៅតាមបណ្តារោងចក្រ សហគ្រាស ដែលមានមូលដ្ឋានក្នុងខណ្ឌកំបូល» នាព្រឹកថ្ងៃទី២១ វិច្ឆិកា ឆ្នាំ២០២៣ សម្តេចធិបតី ហ៊ុន ម៉ាណែត បានថ្លែងថា គោលដៅដែលរាជរដ្ឋាភិបាលបានដាក់ចេញ គឺធ្វើយ៉ាងណាអោយជីវភាពរបស់ប្រជាពលរដ្ឋមានលំនឹង និងមានកំណើន។
ឆ្លៀតក្នុងឱកាសនេះ សម្តេចធិបតី ហ៊ុន ម៉ាណែត ក៏បានអរគុណដល់ក្រសួងការងារ និងបណ្ដុះបណ្ដាលវិជ្ជាជីវៈ ដែលមិនបានរៀបចំគិតគូរដើម្បីតែល្អមើលប៉ុណ្ណោះទេ ប៉ុន្តែគឺបានរៀបចំផែនការអនុវត្តន៍ទៀតផង។ សម្ដេចធិបតីក៏បានជំរុញឱ្យក្រសួង បន្តតាមដានត្រួតពិនិត្យប្រកបដោយប្រសិទ្ធិភាព ទៅលើកិច្ចការងារទាំងអស់នេះ៕
