តាអាយុជាង ៨០ឆ្នាំ យកប៉ាន់តែអាយុជាង១២០ឆ្នាំ ជូនសម្តេចតេជោ ហ៊ុន សែន

(ភ្នំពេញ)៖ លោកតាអាយុជាង ៨០ឆ្នាំ នៅព្រឹកថ្ងៃទី០៨ ខែកុម្ភៈ ឆ្នាំ២០២៣នេះ បានសម្រេចបំណងប្រាថ្នារបស់ខ្លួនហើយ ក្នុងការនាំយកវត្ថុបុរាណជាប៉ាន់តែអាយុប្រមាណ១២០ឆ្នាំ ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា។

សម្តេចតេជោ បានស្វាគមន៍យ៉ាងកក់ក្តៅបំផុត ចំពោះលោកតា ទ្រី និងក្រុមគ្រួសារ ដែលបានយកវត្ថុបុរាណដ៏មានតម្លៃជូនសម្តេចទុកជាអនុស្សាវរីយ៍។

ក្នុងឱកាសនោះ លោកតា ទ្រី អាយុ ៨២ឆ្នាំ រស់នៅសង្កាត់ចោមចៅ រាជធានីភ្នំពេញ បានបង្ហាញក្តីរំភើបរីករាយជាខ្លាំង បានជួបសម្តេចតេជោនាយករដ្ឋមន្ត្រី។ លោកតា បានបញ្ជាក់ថា ការប្រគល់ប៉ាន់តែ ដែលជាវត្ថុបុរាណដ៏មានតម្លៃ ជូនសម្តេចតេជោ គឺជាបំណងប្រាថ្នាដ៏ធំមួយសម្រាប់លោកតា។ ឥឡូវបំណងប្រាថ្នានេះ បានសម្រេចហើយ។

ក្នុងឱកាសនោះ លោកតា ទ្រី ក៏បានសម្តែងក្តីដឹងគុណ និងគោរពស្ញប់ស្ញែងចំពោះការដឹកនាំ និងការបម្រើជាតិមាតុភូមិ មិនខ្លាចការនឿយហត់ ធ្វើឱ្យជាតិមានការរីកចម្រើន និងជួបសុខសន្តិភាពរយៈពេលជាង ៤០ឆ្នាំមកនេះ៕

ពត៌មានទាក់ទង

ពត៌មានផ្សេងៗ

ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ អញ្ជើញជាអធិបតីក្នុងពិធីប្រកាសដា...

ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានអញ្ជើញជាអធិបតីក្នុងពិធីប្រកាសដាក់ឱ្យប្រើប្រាស់ «វចនានុក្រមខ្មែរ» ឆ្នាំ២០២២