អង្គភាពព័ត៌មាន និងប្រតិកម្មរហ័ស ផលិតវីដេអូស្ពតថ្មីមួយបង្ហាញអំពីបណ្តាវិធានការបិទខ្ទប់ និងបង្កលក្ខណៈងាយស្រួលឱ្យប្រជាពលរដ្ឋយល់ដឹងអំពីតំបន់ក្រហម លឿងទុំ និងលឿង

ក្នុងគោលបំណងបង្កលក្ខណៈងាយស្រួលជូនប្រជាពលរដ្ឋអាចងាយយល់ អំពីការបែងចែកភូមិសាស្ត្រក្នុងរាជធានីភ្នំពេញ និងទីក្រុងតាខ្មៅនៃខេត្តកណ្តាល ជាតំបន់ក្រហម តំបន់លឿងទុំ និងតំបន់លឿង តាមសេចក្តីសម្រេចរបស់រាជរដ្ឋាភិបាល លេខ៥៤ សសរ ចុះថ្ងៃទី២៦ ខែមេសា ឆ្នាំ២០២១ ក៏ដូចជាបណ្តាវិធានការដែលត្រូវអនុវត្តសម្រាប់តំបន់នីមួយៗ នៅថ្ងៃទី២៧ ខែមេសា ឆ្នាំ២០២១នេះ អង្គភាពព័ត៌មាននិងប្រតិកម្មរហ័ស នៃទីស្តីការគណៈរដ្ឋមន្ត្រី បានផលិតនូវវីដេអូស្ពតខ្លីមួយមានរយៈពេលជាង៨នាទី ដើម្បីពន្យល់បន្ថែមដល់សាធារណមតិ។

វីដេអូស្ពតខ្លីនេះ អង្គភាពព័ត៌មាន និងប្រតិកម្មរហ័ស បានធ្វើការដកស្រង់នូវខ្លឹមសារដែលមានចែងនៅក្នុងប្រការ២ ប្រការ៣ ប្រការ៤ និងប្រការ៥ នៃសេចក្តីសម្រេចថ្មីរបស់រាជរដ្ឋាភិបាល និងបានបញ្ជាក់ថា ចំពោះខ្លឹមសារទាំងស្រុងនៃសេចក្តីសម្រេចថ្មី សូមសាធារណជនចួលទៅកាន់គេហទំព័រផ្លូវការរបស់អង្គភាពព័ត៌មាន និងប្រតិកម្មរហ័សនៃទីស្តីការគណៈរដ្ឋមន្ត្រី ដែលមានអាសយដ្ឋាន www.pressocm.gov.kh។
សូមទស្សនាវីដេអូស្ពតដូចខាងក្រោមនេះ៖