លោកស្រី ប៊ុន សាមលេន និងលោក គីម ទូច ព្រមទាំងបុត្រ និងចៅ ឯកឧត្តម គ្រី ទូច និងលោកជំទាវ ទ្រី ង៉ូវណាំ ព្រមទាំងបុត្រ និងចៅ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ព្រមទាំងបុត្រ និងចៅ លោកជំទាវ ប៊ុន សុថា និងឯកឧត្តម តាន់ បញ្ញាវុធ ព្រមទាំងបុត្រ និងចៅ ត្រូវជាកូនបង្កើត កូនប្រសារ ចៅ ចៅទួតទាំងអស់ រួមទាំងញាតិការទាំងប្រាំពីរសណ្តាន របស់មហាឧបាសក លីន គ្រី និងអ្នកឧញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី បានមូលមតីគ្នាជាឯកច្ឆ័ន្ទរៀបចំកសាងនូវវិមានគុណមាតាបិតា ដើម្បីឧទ្ទិសមហាកុសលដួងវិញ្ញាណក្ខន្ធ មហាឧបាសិកា លីន គ្រី និងអ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ដែលបានធ្វើកម្មកិរិយាលាចាកលោកយើងនេះ ទៅកាន់លោកខាងមុខហើយនោះ នៅទីដ្ឋានបញ្ចុះសពលោកអ្នកមានគុណទាំងពីរ ដែលមានទីតាំងស្ថិតនៅភូមិភូមិទី២ ឃុំរការខ្នុរ ស្រុកក្រូចឆ្មារ ខេត្តត្បូងឃ្មុំ។
សូមបញ្ជាក់ថា: ការកសាងនូវវិមានគុណមាតាបិតានេះ ឡើង ដើម្បីជាកិច្ចឧទ្ទិសមហាកុសលដ៏ខ្ពង់ខ្ពស់បំផុត ជូនលោកអ្នកមានគុណទាំងទ្វេ ដែលបានផ្តល់ កំណើតដល់កូនចៅ ចៅទួតទាំងអស់ បំពេញការងាររកស៊ីមានបានខ្ពស់មុខខ្ពស់មាត់ គ្រប់ក្រុមគ្រួសារទាំងអស់ ដោយមិនឲ្យកូនចៅក្រុមគ្រួសារណាមួយ មានទំនាស់មាត់ធំមាត់តូចដាក់គ្នានោះ ឡើយ។
