សម្ដេចតេជោ ហ៊ុន សែន ស្នើប្រជាពលរដ្ឋបើកបរមានការប្រុងប្រយ័ត្នខ្ពស់បំផុត ទាំងសុវត្ថិភាពចរាចរណ៍​ និងសុវត្ថិភាពសុខភាពផ្ទាល់ខ្លួន

28

ភ្នំពេញ ថ្ងៃទី១៦ ខែមេសា ឆ្នាំ២០២០ — ប្រមុខរាជរដ្ឋាភិបាលកម្ពុជា សម្ដេចអគ្គមហា សេនាបតីតេជោ ហ៊ុន សែន បានស្នើប្រជា​ពល​រដ្ឋបើកបរមានការប្រុងប្រយ័ត្នខ្ពស់បំផុតទាំង សុវត្ថិភាពចរាចរណ៍​ និងសុវត្ថិភាពសុខភាព​ផ្ទា​ល់ខ្លួន ជាពិសេសអ្នកបើករថយន្តតាក់ស៊ី និង រថយន្តដឹកទំនិញធំៗ សូមបើកបរដោយមាន​ការ​ប្រុងប្រយ័ត្នខ្ពស់ និងគោរពច្បាប់ចរាចរណ៍។

នៅលើផេកផ្លូវការថ្ងៃព្រហស្បតិ៍ ៩រោច ខែចេត្រ ឆ្នាំជូត ទោស័ក ព.ស.២៥៦៣ ត្រូវនឹង ថ្ងៃទី១៦ ខែមេសា ឆ្នាំ២០២០នេះ សម្ដេចតេជោបានសរសេរថា សូម​បង​ប្អូនប្រជាពលរដ្ឋបើក បរមានការប្រុងប្រយ័ត្នខ្ពស់បំផុត ទាំងសុវត្ថិភាពចរាចរណ៍​ និងសុវត្ថិភា​ព​សុខភាពផ្ទាល់ខ្លួន​។ ដោយសារថ្ងៃនេះអាចមានអ្នកធ្វើដំណើរច្រើនតាមដងផ្លូវ ដូច្នេះសូមបង​ប្អូ​នប្រជាពលរដ្ឋ ជា ពិសេសអ្នកបើករថយន្តតាក់ស៊ី និងរថយន្តដឹកទំនិញធំៗ សូមបើកបរ​ដោ​យ​មានការប្រុង ប្រយ័ត្នខ្ពស់ និងគោរពច្បាប់ចរាចរណ៍ ដើម្បីសុវត្ថិភាពទាំងអស់គ្នា។ ទន្ទឹមនឹង​នេះ​ដែរសូម បងប្អូនប្រជាពលដ្ឋ និងកូនក្មួយកម្មករ កម្មការិនី​ យកចិត្តទុកដាក់ចេះការពារ​សុខ​ភា​ពផ្ទាល់ ខ្លួនកុំឱ្យឆ្លងរោគកូវីដ-១៩ ដោយពាក់ម៉ាស និងឧស្សាហ៍ដុសលាងសម្អាតដៃជា​មួយ​ទឹក​អាល់កុល ឬជែលកម្ចាត់មេរោគ ជាពិសេសក្នុងពេលជិះរថយន្តជាមួយ​អ្នកធ្វើដំណើរ​ច្រើ​ន នាក់ ជុំគ្នាក្នុងរថយន្តឈ្នួលតែមួយ។

សម្ដេចតេជោក៏សូមអរគុណសារជាថ្មីដល់​បងប្អូន​ជ​ន​​រួមជាតិដែលបានយោគយល់ ដល់ការដាក់បម្រាមមិនឱ្យធ្វើដំណើរឆ្លងកាត់ខេត្តបណ្តោះ​អា​សន្នរយៈពេលខ្លីកន្លងទៅនេះ ដើម្បីបង្ការទប់ស្កាត់ការឆ្លងរាលដាលជំងឺកូវីដ-១៩ នៅក្នុង​ប្រ​ទេ​សជាតិយើង។ ក្នុងឱកាស ចូលឆ្នាំថ្មីប្រពៃណីជាតិ ២០២០នេះ សូមជូនពរបង​ប្អូនជន​រួម​ជា​​​​តិ​​ទាំងក្នុង និងក្រៅប្រទេស ព្រមទាំងមន្រ្តីរាជការ និងកងកម្លាំងប្រដាប់អាវុធដែល​កំពុង​ឈ​រ​ជើង​នៅតាម​ព្រំ​ដែនមានសុខ ភាពល្អ ព្រមទាំងពរ៥ប្រការគឺអាយុ វណ្ណៈ សុខៈ ពលៈ និង​បដិ​ភា​​ណៈ​​កុំ​បី​ឃ្លៀង​ឃ្លាតឡើយ។

គួរបញ្ជាក់ដែរថា នៅថ្ងៃទី១៦ ខែមេសា ឆ្នាំ២០២០នេះដែរ សម្តេចតេជោ ហ៊ុន សែន បានចេញសេចក្តីសម្រេច ស្ដីពីការបញ្ចប់សុពលភាពបទបញ្ជា ០២ ប.ប. ចុះថ្ងៃទី៩ ខែមេសា ឆ្នាំ​​២០២០​ស្ដីពីការដាក់កំហិតលើការធ្វើដំណើរក្នុងប្រទេស ក្នុងគោលដៅបង្ការ និងទប់ស្កាត់​កា​​រ​​រាតត្បាតនៃជំងឺកូវីដ-១៩ ដែលសេចក្ដីសម្រេចនោះបានបញ្ជាក់ថា «យោងលើតម្រូវការ​ជា​ក់​​ស្តែង ក្នុងការសម្របសម្រួលការធ្វើដំណើររបស់ប្រជាពលរដ្ឋ ដើម្បីចៀសវាងការកក​ស្ទះ​ដោ​យ​​សារការរង់ចាំនូវការបើកចរាចរណ៍ឆ្លងកាត់ពីខេត្តមួយទៅខេត្តមួយទៀតឡើងវិញ នៅម៉ោង​២៤៖០០ ថ្ងៃទី១៦ ខែមេសា ឆ្នាំ២០២០ ស្របតាមការកំណត់នៃបទបញ្ជាលេខ ០២ ប.ប ចុះ​ថ្ងៃ​​ទី០៩ ខែមេសា ឆ្នាំ២០២០ រាជរដ្ឋាភិបាលសម្រេចបញ្ចប់សុពលភាពបទបញ្ជាលេខ០២ ប.​ប​ ចុះថ្ងៃទី០៩ ខែមេសា ឆ្នាំ២០២០ ស្តីពីការដាក់កំហិតលើការធ្វើដំណើរក្នុងប្រទេស ក្នុងគោ​ល​ដៅបង្ការ និងទប់ស្កាត់ការរាតត្បាតនៃជំងឺកូវីដ-១៩ នៅត្រឹមម៉ោង០៦៖០០ព្រឹកថ្ងៃទី១៦ ខែ​មេ​សា ឆ្នាំ២០២០នេះ ជាកំហិត»។

គួររម្លឹកថា កាលពីថ្ងៃទី០៩ និង១០ ខែមេសា ឆ្នាំ២​០​២​០​ ប្រ​មុខរាជរដ្ឋាភិបាលកម្ពុជា បានចេញសេចក្តីសម្រេចបន្ទាន់មួយ ដោយដាក់កំហិតលើ ការធ្វើ​ដំ​​ណើរ​ឆ្លងកាត់ពីខេត្តមួយ ទៅខេត្តមួយ ចាប់ពីថ្ងៃទី០៩ ដល់ម៉ោង២៤៖០០នាទីថ្ងៃទី១៦ ខែ​មេ​សា​​ឆ្នាំ២០២០ លើកលែង តែក្នុងភូមិសាស្រ្តរវាងរាជធានីភ្នំពេញនិងខេត្តកណ្តាលតែ​ប៉ុណ្ណោះ​៕

ដោយ ជឹម ណារី