សម្តេចតេជោ ហ៊ុន សែន ប្រាប់ប្រតិភូអភិបាលក្រុងប្រើប្រាស់ភាសាបារាំងថា រាជធានីភ្នំពេញ កំពុងជួបបញ្ហាប្រឈមថ្មីៗចំនួន៤ ដែលរាជរដ្ឋាភិបាល កំពុងយកចិត្តទុកដាក់ដោះស្រាយ

14

ភ្នំពេញ ថ្ងៃទី០៣ ខែវិច្ឆិកា ឆ្នាំ២០១៩ — សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះ​រាជាណា​ចក្រ​​កម្ពុ​ជា​ នា​ព្រឹកថ្ងៃទី០៣ ខែធ្នូ ឆ្នាំ២០១៩  បានអនុញ្ញាតឱ្យ ឯកឧត្តម គ្រីស្យង់ រ៉ូហ្សេ អូគេមបា (Chris​tia​n Roger Okemba) អភិបាលក្រុងប្រាហ្សាវិល ប្រទេសកុងហ្គោ និងជាអនុប្រធាន​សមាគម​អ​ន្តរ​​ជាតិ អភិបាលក្រុងប្រើប្រាស់ភាសាបារាំង ចូលជួបសម្តែងការគួរសម និងពិភាក្សាការងារ នៅ​វិមានសន្តិភាព។

ឯកឧត្តម អ៊ាង សុផល្លែត ជំនួយការសម្តេចតេជោបានឱ្យដឹងក្រោយពីជំនួបនោះថា ឯក​ឧត្តម គ្រីស្យង់ រ៉ូហ្សេ អូគេមបា តំណាងឱ្យប្រតិភូទាំងមូល បានមានប្រសាសន៍ថា ប្រតិភូ អ​​ភិ​​បាលក្រុងប្រើប្រាស់ភាសាបារាំង បានមកកាន់កម្ពុជា ថ្វីត្បិតតែមិនទាន់បានធ្វើទស្សនកិច្ច នៅ​ទូទាំងទីក្រុងភ្នំពេញក៏ដោយ ក៏ប៉ុន្តែអ្វីដែលបណ្ដាអភិបាលក្រុងទាំងអស់ សង្កេតឃើញ និង​​​វាយតម្លៃនោះបានឃើញថារាជធានីភ្នំពេញ គឺជាទីក្រុងមួយដែលមានភាពចំណាស់ ហើ​យ​​​ក៏មានភាពធន់ និងស្រស់បំព្រងផងដែរ។ ក្នុងន័យនេះ ឯកឧត្តម និងប្រតិភូទាំងមូល នឹងប្រឹង​ប្រែ​​ងធ្វើយ៉ាងណាធ្វើការសង្កេតការណ៍ ដើម្បីយកបទពិសោធន៍ទាំងនេះ ទៅអនុវត្តន៍នៅតាម​ប្រ​​ទេសរៀងៗខ្លួនថែមទៀត។

ជាការឆ្លើយតប សម្ដេចតេជោ ហ៊ុន សែន បានមានប្រសាសន៍ថា ទីក្រុងភ្នំពេញបានក​សា​ងឡើង​ជំ​នា​ន់បារាំង ហើយក៏បានកសាងឡើងថែមទៀតនៅជំនាន់ ដែលកម្ពុជា​ទទួលបាន​ឯករាជ្យ ប៉ុ​ន្តែ​​អ្វីដែលជាការសោកស្ដាយនោះ ទីក្រុងភ្នំពេញ គឺត្រូវបានបំផ្លាញដោយ​របប​ប្រល័យពូជសា​សន៍ប៉ុលពត។ នៅពេលដែល សម្ដេចវិលត្រឡប់ មកកាន់រាជធានីភ្នំពេញវិញ ទីក្រុង​ទាំងមូល គឺ​មានប្រជាជន តែ៧០នាក់តែប៉ុណ្ណោះ ហើយទីក្រុងទាំងមូលពុំមាន​​បញ្ហា​ប្រឈមច្រើនទេ ប​ញ្ហា​ប្រឈមនៅពេលនោះ គឺពុំមានមនុស្សរស់នៅ ពុំមានចរាចរណ៍​ឡាន​បើកបរ។ សម្ដេចតេជោបានលើកឡើងថា ប៉ុន្តែ​ផ្ទុយ​ទៅ​​វិញ​ នៅពេលនេះ រាជធានីភ្នំពេញ គឺជួប​ប្រឈមនឹងបញ្ហាថ្មីៗជាច្រើន ទី១.គឺ​បញ្ហាចរា​ច​រណ៍ និងគ្រោះថ្នាក់ចរាចរណ៍ ដែលនាំ​ទៅដល់ការស្លាប់ប្រជាជនច្រើន ហើយការធ្វើដំណើរ មា​​នការយឺតយ៉ាវ។ ទី២ គឺបញ្ហាប្រឈម​ខ្វះចំណតរថយន្ត ក្នុងន័យនេះ សម្ដេចតេជោ ក៏បាន​ជម្រា​ប​ជូនប្រតិភូទាំងមូលថា សម្ដេច​បានណែនាំឯកឧត្តមអភិបាល ពិនិត្យ និងធ្វើយ៉ាងណា ជំរុញឱ្យ​មានការវិនិយោគ ទៅលើ​ការបង្កើតចំណតរថយន្ត នៅក្រោមសួនច្បារនានា ដើម្បីដោះ​ស្រា​យ​បញ្ហានេះ។ ទី៣ គឺបញ្ហា​សំរាមដែលកំពុងតែប្រឈម ដោយសម្ដេចតេជោលើកឡើងថា រាជធានី​ភ្នំពេ​ញ​ គឺមាន​សំរាម​ប្រមាណ៣ពាន់តោនក្នុងមួយថ្ងៃ ហើយបើយើងមិនប្រមូលទាន់ទេ សម្រាម​នេះ​នឹងពូនឡើង ធ្វើឱ្យមានបញ្ហាដល់សោភណភាពផង និងអនាម័យទីក្រុងផង។ សម្ដេចតេជោ​បន្ត​ថា ដើម្បីដោះស្រាយបញ្ហានេះ រាជរដ្ឋាភិបាលកំពុងជំរុញឱ្យមានការចូលរួមពីវិស័យផ្សេងៗ ​ក៏ដូច​ជា​វិស័​យឯកជនដែរ ដើម្បីធ្វើយ៉ាងណា កែប្រែសំរាមនេះ ឱ្យទៅជាថាមពលអគ្គិសនី យកមក​ប្រើ​ប្រា​ស់ឡើងវិញ។ ចំពោះបញ្ហាទី៤ បញ្ហាអាសំណល់រាវ ដែលរាជធានីភ្នំពេញ គឺជារាជ​ធានីមួយ ដែល​មា​ន​​កម្ពស់ទាប ហើយពីដើមឡើយសុទ្ធសឹងតែបឹងបួរ ហើយក្នុងន័យនេះ ការបង្ហូរ​​សំណល់រាវ ទៅ​ទន្លេ ទៅបឹងបួរនោះ ពុំទាន់មានការធ្វើ អាងប្រព្រឹត្តិកម្ម​ឬក៏អាង​ចម្រោះបានត្រឹមត្រូវ​នៅ​ឡើ​យ​ នេះក៏ជាបញ្ហាប្រឈមដែរ។

សម្ដេចតេជោនាយករដ្ឋមន្ត្រីបានគូសបញ្ជាក់ទៀតថា បញ្ហា​ទាំងនេះ គប្បីណាយកមក​ពិចារណាដោះស្រាយ មុននឹងជំរុញការអភិវឌ្ឍទីក្រុងថ្មី។ ជាមួយ​នឹ​ង​បញ្ហាប្រឈមនេះ សម្តេចតេជោក៏បានលើកឡើងដែរថា យើងមានបញ្ហាប្រឈមនេះ គឺ​ប​ណ្ដា​​​លមកពីការអភិវឌ្ឍ ដែលមានភាពជឿនលឿនជាទីបំផុត ហើយការអភិវឌ្ឍនេះ   គឺបាន​មក​អំពីកត្តាសុខសន្តិភាព ស្ថិរភាព ដែលកម្ពុជាមាន ទាំងនោះគឺជាកត្តាទាក់ទាញ នៃការវិនិ​យោ​គ ហើយការវិនិយោគ​នេះហើយ ដែលលេចចេញ នូវបញ្ហាប្រឈមថ្មីៗ ដែលកម្ពុជា​កំពុ​ង​តែ​ជួបប្រទះ៕

ដោយ ជឹម ណារី