ពិធីលាងសាយភោជន៍ជូនបណ្តាមេដឹកនាំ នៃប្រទេសអញ្ជើញចូលរួមវេទិកាខ្សែក្រវ៉ាត់ និងផ្លូវ សម្រាប់កិច្ចសហប្រតិបត្តិការអន្តរជាតិ

146

នៅរាត្រីថ្ងៃទី១៤ឧសភា ឯកឧត្តម ស៊ី ជិនពីង ប្រធានាធិបតី នៃសាធារណរដ្ឋប្រជា​មានិត​ចិន និង​ជាម្ចាស់ផ្ទះ វេទិកាខ្សែក្រវ៉ាត់និងផ្លូវ សម្រាប់កិច្ច​សហប្រតិបត្តិការ​អន្តរជាតិ​និងលោកជំទាវ បានប្រារព្វ​រៀបចំពិធី​លាង​សា​​ភោជន៍ ជាមហាកិត្តិយស​ដ៏ខ្ពង់ខ្ពស់បំផុត ជូនបណ្តា​ប្រមុខរដ្ឋ ប្រមុខ​រដ្ឋាភិបាល នៃប្រទេសក្នុង​ទ្វីបអាស៊ី អឺរ៉ុប និងអាហ្រ្វីក និងប្រតិភូ នៃប្រទេសជាដៃគូរដទៃទៀត ដែលបាន​អញ្ជើញចូល​រួមវេទិកា​ខ្សែក្រវ៉ាត់​និងផ្លូវ សម្រាប់កិច្ច​សហប្រតិ​បត្តិការ​​អន្តរជាតិ នៅទីក្រុង​ប៉េកាំង សាធារណរដ្ឋប្រ​ជាមានិតចិន។

ថ្លែងសុន្ទរកថា​ទៅកាន់ប​ណ្តាមេដឹក​នាំទាំង​អស់ ដែលមានវត្តមាន​អញ្ជើញ​ចូលរួម វេទិកាខ្សែក្រវ៉ាត់​និងផ្លូវ សម្រាប់កិច្ច​សហប្រតិបត្តិការ​អន្តរជាតិ ឯកឧត្តម ស៊ី ជិនពីង ប្រធានាធិបតីនៃសាធារណរដ្ឋប្រជាមានិតចិន មាន​ប្រ​សាសន៍ក្នុង​នាមថ្នាក់ដឹក​នាំនិងប្រជាជន​ចិនទាំងអស់ ក៏ដូចក្នុង​នាមភរិយា ឯកឧត្តម​សូមសំដែង​នូវការធ្វើគារ​វកិច្ចស្វា​គមន៍ដោយស្មោះ​អស់ពីដួង​ចិត្ត ចំពោះ​បណ្តា​ប្រមុខរដ្ឋ ប្រមុខរដ្ឋាភិបាល និងគណៈប្រតិភូ នៃបណ្តាប្រទេស​ក្នុងទ្វីប អាស៊ី អឺរ៉ុប និងអាហ្រ្វិក ដែលបានចំណាយ​ពេលវេលាដ៏មាន​តម្លៃបំផុត អញ្ជើញចូលរួម​វេទិកា​ខ្សែក្រវ៉ាត់និងផ្លូវ សម្រាប់​កិច្ចសហប្រតិ​​បត្តិការ​អន្តរជាតិ នៅទីក្រុងប៉េកាំង សាធារណរដ្ឋប្រជា​មានិតចិន ក្នុង​ឱកាស​ដ៏វិសេស​វិសាល​នេះ។

ឯកឧត្តមប្រធានាធិបតីមាន​ប្រសាសន៍បន្តថា វត្តមានបណ្តាមេ​ដឹកនាំទាំងអស់ ក្នុងវេទិកាដ៏មាន​សារសំខាន់នេះ គឺបានបង្ហាញឲ្យឃើញ​ពីការយកចិត្តទុក​ដាក់ខ្ពស់ ពីបណ្តាមេដឹក​នាំទាំងអស់ ដើម្បីធ្វើការផ្លាស់​ប្តូរទស្សនៈគ្នាលើ​​បញ្ហាតំបន់ និងអន្តរជាតិធំៗ ពិសេសដើម្បី​កំណត់ទិសដៅសម្រាប់អ​នុវត្តនូវ​គំនិតផ្តួចផ្តើម ស្តីពីការបង្កើត​ខ្សែក្រវ៉ាត់ និងផ្លូវ ឲ្យកាន់តែទទួល​បាននូវភាពជោគ​ជ័យខ្ពស់​ថែមទៀត។ នៅក្នុងសុន្ទរកថា​គន្លឹះរបស់​ឯកឧត្តមប្រធា​នាធិបតី ក្នុងពិធីលាង​សាយភោជន៍ ក៏បានសង្កត់ធ្ងន់​ពីសារសំខាន់​នៃការតភ្ជាប់ សម្រាប់​បណ្តា​ប្រទេសទាំងអស់ក្នុង​តំបន់ និង ក្រៅតំបន់ ក៏ដូចជាសម្រាប់​ពិភពលោក​ទាំងមូល។ ជាមួយនិងការ​ថ្លែង​នោះដែរ ឯកឧត្ត​មប្រធានាធិបតី​ក៏បានប្រសិទ្ធ ពរជ័យបវ​រមហាប្រសើរ ជូនចពោះប​ណ្តាប្រមុខរដ្ឋ ប្រមុខ​រដ្ឋាភិបាល និងប្រទេស​ក្នុងទ្វីបអាស៊ី អឺរ៉ុប និងអាហ្វ្រីកទាំង​អស់ សូមមានសុខភាព​ល្អបរិបូរណ៍ កម្លាំងពូលាំងមាំមួន ដើម្បីបន្តនូវការ​សន្ទនា និងការផ្លាស់​ប្តូរមតិ​និងទស្សនះ​ល្អៗ ពីគ្នាទៅវិញទៅមក ដើម្បីជានិម្មិតរូប នៃភាពរីកចម្រើន ការរស់នៅប្រកប​ដោយសុខ​សន្តិភាព ការជួយគ្នា​ទៅវិញទៅ​មក និងជីវភាពរបស់​ប្រជាពលរដ្ឋប្រកប​ដោយភាពសុខដុមរមនា៕