សម្តេច​តេជោ ហ៊ុន សែន អញ្ជើញ​ប្រគល់​សញ្ញា​បត្រ​ដល់​និស្សិត​សាកលវិទ្យាល័យ​អាស៊ីអឺរ៉ុប នៅវិទ្យស្ថាន​ជាតិអប់រំ

នៅព្រឹកថ្ងៃអង្គារ ១១កើត ខែចេត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៧ ខែមីនា ឆ្នាំ ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ​អញ្ជើញជាអធិបតីភាពដ៏ខ្ពង់ខ្ពស់ក្នុងពិធី​ប្រគល់សញ្ញាបត្រ ដល់និស្សិត នៃសកលវិទ្យាល័យអាស៊ីអឺរ៉ុបចំនួន ២,១២៥នាក់ ក្នុងនោះក៏មាននិស្សិត ដែលទទួលបានអាហារូបករណ៍របស់ សម្ដេច​តេជោ និង​សម្ដេចកិត្តិព្រឹទ្ធបណ្ឌិត ចំនួន ៣៩ នាក់ ផងដែរ។
សម្តេចតេជោ ហ៊ុន សែន នាយករដ្ឋមន្ត្រី សប្បាយរីករាយជាខ្លាំងដែលបានអញ្ជើញ​មកប្រគល់​សញ្ញាបត្ រដល់និស្សិតសាលកវិទ្យាល័យ អាស៊ីអឺរ៉ុប ដែលទទួលបាន​ជោគជ័យ​ក្នុងការសិក្សា រួមមាន ថ្នាក់បរិញ្ញាបត្ររង បរិញ្ញាបត្រ បរិញ្ញា​បត្រជាន់ខ្ពស់ និងបណ្ឌិត នាពេល​នេះ។
សម្តេចតេជោ នាយករដ្ឋមន្ត្រីបាន​មានប្រសាសន៍ថា សម្តេចបាន​ចូល​រួមផ្តល់កិត្តិយស​ប្រគល់​សញ្ញាបត្រ ដល់និសិត្ស នៃសាលកវិទ្យាល័យ​អាស៊ីអឺរ៉ុប​ចំនួន ១១ដងហើយ គិតចាប់ពី​ឆ្នាំ២០០៣មក។ ទន្ទឹមនឹងនោះ សម្តេចតេជោ ក៏បានអរគុណ និងកោតសរសើរចំពោះ​ការខិតខំ​ប្រឹងប្រែងរបស់ សាកលវិទ្យាល័យអាស៊ីអឺរ៉ុប ដែលបានប្រែក្លាយពី​អង្គការក្រៅ រដ្ឋាភិបាលមកជា សាលក​វិទ្យាល័យ​ដ៏ល្បីមួយ ដែលបានចូលរួម​ចំណែកយ៉ាង​សំខាន់ក្នុង​ការបណ្តុះបណ្តាលធនធាន​មនុស្ស​នៅកម្ពុជា។
វិស័យអប់រំ​នៅតែ​ជាវិស័យ​អាទិភាព​មួយក្នុ​ងការអភិវឌ្ឍ​ប្រទេសជាតិ។ ក្នុងនោះវិស័យ​ឯកជន​បានចូល​រួមចំណែក​យ៉ាងសំខាន់ ​ក្នុងការ​អភិវឌ្ឍវិស័យអប់រំនេះ ក៏ដូចជាវិ​ស័យដ៏ទៃៗទៀត ដែលបានដើរតួយ៉ាង​សំខាន់ក្នុងការ​ចូលរួមជំរុញកំណើនសេដ្ឋកិច្ចជាតិ​ឲ្យមានការ​រីកលូតលាស់​ផងដែរ។
សម្តេចតេជោ ហ៊ុន សែន បានមានប្រសាសន៍ថា កម្ពុជាត្រូវតែជំរុញ​វិស័យអប់រំនេះអោយបាន​ខ្លាំងថែម​ទៀត ដើម្បីឲ្យធន​ធាន​មនុស្ស​យើងកាន់​តែសំបូ​របែប ក្នុងពេល​បច្ចុប្បន្ នដែលកម្ពុជាកំពុងទ​ទួលបានការ​វិនិយោគ​ជាច្រើនពីបរទេស ហើយក្នុងនោះក្រុមហ៊ុន​សហគ្រាស​បរទេសមួយ​ចំនួនក៏កំពុង​ត្រូវការធនធាន​មនុស្ស​របស់ខ្មែរផងដែរ។
នៅថ្ងៃនេះ ទាក់ទិនទៅនឹងស្ថាន​ភាពនយោបាយ​នៅកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានមានប្រសាសន៍បញ្ជាក់ច្បាស់ៗជាថ្មីថា:
១) មិនមានការចរចាជាមួយក្រុមជនក្បត់ជាតិ។
ទី២) មិនមានការលើកលែងទោសជាដាច់ខាតចំពោះក្រុមជនក្បត់ជាតិ និង
ទី៣) គឺមានការបោះឆ្នោតជាតិតាមកាលកំណត់ជាធម្មតានៅថ្ងៃទី ២៩ កក្កដា ២០១៨ ខាងមុខនេះ។
សម្តេចតេជោ ហ៊ុន សែន នាយករដ្ឋមន្រ្តី បានកោតសរសើរ និងអបអរសាទរចំពោះជ័យលាភីទាំងអស់ ដែលបានខិតខំប្រឹងប្រែងសិក្សារៀនសូត្ររហូតទទួល​បាន​ជោគជ័យនាពេលនេះ។ សម្តេចតេជោ បានជូនពរឲ្យដល់ជ័យលាភីទាំងអស់​ទទួលបាន​ជោគជ័យជាបន្តបន្ទាប់ទៀត។ សម្តេចតេជោ ក៏បានអរគុណដល់សាកលវិទ្យាល័យដែលបានផ្តល់អាហារូបករណ៍ដល់សម្តេចដើម្បីបានផ្តល់ជូន​និស្សិត​ក្រីក្រជាបន្តទៀត។ ក្រៅពីនោះសម្តេចតេជោ និងសម្តេចកិត្តិព្រឹទ្ឋបណ្ឌិត​ក៏បានឧបត្ថម្ភជាអង្កជាង២តោនក្នុង១ខែ និងថវិកាជាង ៦០ លានរៀលក្នុង១ឆ្នាំជូនដល់​សាកលវិទ្យាល័យផងដែរ។
មុននឹងបញ្ចប់ សម្តេចតេជោ ហ៊ុន សែន បានអញ្ជើញផ្តល់កិត្តិយសប្រគល់សញ្ញា​បត្រដល់និស្សិតដែលបានបញ្ចប់ការសិក្សានៅសាលកវិទ្យាល័យអាស៊ីអឺរ៉ុប និងបានថតរូបអនុស្សាវរីយ៍ ព្រមទាំងបានផ្តល់ថវិកាឧបត្ថម្ភមួយចំនួនដល់និស្សិតក្នុងបរិយាកាសសប្បាយរីករាយ និងស្និទ្ឋស្នាលក្រៃលែង៕