ឯកឧត្តមឧបនាយករដ្ឋមន្រ្តីប្រចាំការ វង្សី វិស្សុត ដឹកនាំកិច្ចប្រជុំចង្អៀតពិភាក្សាអំពីសមត្ថកិច្ចពាក់ព័ន្ធនឹងការស្ថាបនាហេដ្ឋារចនាសម្ព័ន្ធទុកដាក់​សំរាម សំណល់រឹងទីប្រជុំជន

(ភ្នំពេញ)៖ នៅព្រឹកថ្ងៃទី៣១ ខែកក្កដា ឆ្នាំ២០២៥ ឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តី​ទទួលបន្ទុកទីស្តីការគណៈរដ្ឋមន្រ្តី បានដឹកនាំកិច្ចប្រជុំចង្អៀតដើម្បីពិភាក្សាអំពីសមត្ថកិច្ចពាក់ព័ន្ធនឹងពាក់ព័ន្ធនឹងការស្ថាបនាហេដ្ឋារចនាសម្ព័ន្ធទុកដាក់សំរាម និងសំណល់រឹងទីប្រជុំជន។ កិច្ចប្រជុំនេះ មានការចូលរួមពីសំណាក់​ឯកឧត្តម អ៊ាង សុផល្លែត រដ្ឋមន្ត្រី​ក្រសួង បរិស្ថាន និងឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ព្រមទាំងថ្នាក់ដឹកនាំ អ្នកជំនាញច្បាប់​ និងមន្រ្តីជំនាញបច្ចេកទេសជាន់ខ្ពស់ពាក់ព័ន្ធ។