សម្តេចតេជោ ហ៊ុន សែន បានអរគុណធនាគារអេស៊ីលីដា ភីអិលស៊ី ដែលសម្រេចលុបចោលបំណុលទាំងស្រុង ជូនដល់យោធិនពលីជីវិត និងអ្នករួមខ្ចីដែលបានបំពេញប្រតិបត្តិការក្នុងសមរភូមិការពារបូរណភាពទឹកដីកម្ពុជា

យោងតាមការបង្ហោះផ្សាយលើបណ្តាញសង្គមរបស់សម្តេច ហ៊ុន សែន ប្រធានព្រឹទ្ធសភា នៅថ្ងៃទី ៣០ ខែកក្កដា ឆ្នាំ២០២៥ នេះ សម្តេចបានថ្លែងអំណរគុណធនាគារ អេស៊ីលីដា ភីអិលស៊ី (ACLEDA Bank Plc.) ដែលសម្រេចលុបចោលបំណុលទាំងស្រុង ជូនដល់យោធិនពលីជីវិត និងអ្នករួមខ្ចីដែលបានបំពេញប្រតិបត្តិការក្នុងសមរភូមិការពារបូរណភាពទឹកដីកម្ពុជា។

គួរបញ្ជាក់ផងដែរថា ការលុបចោលបំណុលទាំងស្រុងនេះធ្វើឡើងតាមការអំពាវនាវរបស់ សម្តេចតេជោ ហ៊ុន សែន និងប្រមុខរាជរដ្ឋាភិបាល៕