តើប្រជាពលរដ្ឋដែលបោះឆ្នោតឱ្យគណបក្សប្រជាជនកម្ពុជាទទួលបានការធានាបែបណា?

សម្ដេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានថ្លែងថា ការដាក់ចេញនូវគោលនយោបាយធ្វើផ្លូវ កសាងហេដ្ឋារចនាសម្ព័ន្ធ និងគោលនយោបាយបញ្ចប់សង្គ្រាម គឺសុទ្ធតែបានដាក់ចេញដោយសម្ដេចអគ្គហាសេនាបតីតេជោ ហ៊ុន សែន និងទទួលបានការគាំទ្រតាមរយៈការបោះឆ្នោតពីប្រជាពលរដ្ឋ។

នៅក្នុងពិធីសម្ពោធអគារសិក្សា និង សមិទ្ធផលនានា នៅក្នុងវិទ្យល័យ ហ៊ុន សែន ប្រម៉ោយ ស្រុកវាលវែង ខេត្តពោធិសាត់ នៅព្រឹកថ្ងៃទី១៧ ខែឧសភា ឆ្នាំ២០២៥ សម្ដេចធិបតី ហ៊ុន ម៉ាណែត បានថ្លែងបន្តថា ទីកន្លែងដែលធ្លាប់តែផ្ទុះសង្រ្គាម ឥឡូវប្រែក្លាយជាទឹកដីនៃក្តីសង្ឃឹម ទឹកដីនៃសន្តិភាព ដោយសារនយោបាយឈ្នះឈ្នះ និងការដឹកនាំដ៏ត្រឹមត្រូវរបស់គណបក្សប្រជាជនកម្ពុជាដែលបានការទុកចិត្តពីប្រជាពលរដ្ឋ ហើយសម្តេចធិបតី បានអះអាងថា ប្រជាពលរដ្ឋដែលបោះឆ្នោតឱ្យគណបក្សប្រជាជនកម្ពុជាមិនខកបំណងទេ។

សម្ដេចធិបតី ហ៊ុន ម៉ាណែត បានគូសបញ្ជាក់ថា ដរាបណាប្រជាពលរដ្ឋទូទាំងប្រទេសផ្តល់ឱកាសឱ្យគណបក្សប្រជាជនកម្ពុជាបន្តដឹកនាំប្រទេសបម្រើប្រជាជន យើងនឹងខិតខំអភិវឌ្ឍន៍ឱ្យកាន់តែប្រសើរជាងនេះ៕