សម្តេចធិបតី ហ៊ុន ម៉ាណែត គូសបញ្ជាក់ថា គ្មានគោលការណ៍ឬផែនការលក់ព្រលានយន្តហោះពោធិ៍ចិនតុងដូចការចោទប្រកាន់ទេ

សម្ដេចបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានគូសបញ្ជាក់ថា ថ្មីៗនេះ មានការចោទប្រកាន់ថា រាជរដ្ឋាភិបាល បានលក់ព្រលានយន្តហោះពោធិ៍ចិនតុងតាំងពី១៥ ឆ្នាំមុនមក ដែលការលើកឡើងបែបនេះ ជាការចោទប្រកាន់ហើយមិនពិតទាល់តែសោះ។

ក្នុងពិធីអបអរសាទរខួបអនុស្សាវរីយ៍លើកទី៨០ ថ្ងៃកំណើតនគរបាលជាតិកម្ពុជា នៅព្រឹកថ្ងៃសុក្រទី១៦ ខែឧសភា ឆ្នាំ២០២៥ សម្ដេចបវរធិបតី ហ៊ុន ម៉ាណែត បានថ្លែងថា បើសិនដូចការចោទប្រកាន់មែន សូមបង្ហាញឯកសារនោះមក។ សម្តេចបានបន្តថា សម្តេច បានសម្រេចផ្ទេរប្រតិបត្តិការ ព្រលានយន្តហោះកន្លែងចាស់ ទៅព្រលានយន្តហោះថ្មីតែប៉ុណ្ណោះ៕