សម្ដេចតេជោ ហ៊ុន សែន ប្រធានព្រឹទ្ធសភានៃប្រទេសកម្ពុជា បានគូសបញ្ជាក់ហេតុផល៣យ៉ាងនៃគោលនយោបាយឈ្នះ-ឈ្នះ ដើម្បីធានាបីយ៉ាងដែលសំខាន់ គឺ៖
១). ធានាអាយុជីវិតនិងរូបកាយរបស់គេ ដោយមិនមាននរណាត្រូវបានចាប់ខ្លួន និងសម្លាប់នោះទេ។
២). ធានាអាជីព និងមុខរបររបស់ពួកគេ។
៣). ធានាកម្មសិទ្ធិទ្រព្យសម្បត្ដិរបស់ពួកគេ ទាំងចលនទ្រព្យ និងអចលនទ្រព្យ។
ក្នុងឱកាសថ្លែងបាឋកថា ក្នុងសិក្ខាសាលាស្ដីពី «ទស្សនៈ និងបទពិសោធន៍នៃកិច្ចខិតខំកសាងសន្តិភាពនៅកម្ពុជា» ពីរដ្ឋធានីហ្សាការតា សាធារណរដ្ឋឥណ្ឌូណេស៊ី នាព្រឹកថ្ងៃទី៦ ខែឧសភា ឆ្នាំ២០២៥ សម្ដេចតេជោ ហ៊ុន សែន បានបញ្ជាក់ថា ការធានាទាំង៣យ៉ាងនេះ គឺធ្វើឱ្យយុទ្ធសាស្រ្ដ DIFID ទទួលបានជោគជ័យ។
សម្ដេចតេជោ មានប្រសាសន៍បន្ថែមថា យុទ្ធសាស្រ្ដ DIFID គឺជាយុទ្ធសាស្រដែលមានគោលដៅរំលាយអង្គការចាត់តាំងយោធារបស់ខ្មែរក្រហម ដើម្បីសន្ដិភាពនៅកម្ពុជា៕
