សម្តេចតេជោនាយករដ្ឋមន្រ្តី អញ្ជើញទៅដល់អាកាសយានដ្ឋានអន្តរជាតិហាណេដា ទីក្រុងតូក្យូ ប្រទេសជប៉ុន ដើម្បីបំពញទស្សនកិច្ចផ្លូវការរយេះពេល៤ថ្ងៃ ទៅកាន់ប្រទេសជប៉ុន

136

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងគណៈប្រតិភូជាន់ ខ្ពស់រាជរដ្ឋា​ភិបាលកម្ពុជា បានអញ្ជើញ​ទៅដល់​អាកាសយាន​ដ្ឋានអន្តរជាតិ​ហាណេដា ទីក្រុងតូក្យូ ប្រទេសជប៉ុន ប្រ​កបដោយសុវត្តិភាព កាលពីវេលា​ម៉ោង១៧និង៣៥នាទី ម៉ោងនៅទីក្រុងតូក្យូ ត្រូវនឹងម៉ោង១៥និង៣៥ម៉ោង នៅ​ព្រះរា​ជា​ណា​ចក្រកម្ពុជា ដើម្បីអញ្ជើញ​បំពេញទស្សនកិច្ចផ្លូវការរយះពេល៣ថ្ងៃ នៅទីក្រុងតូក្យូ ប្រទេសជប៉ុន។

នៅអាកាស​យាន​​ដ្ឋានអន្តរជាតិ ហាណេដា វត្តមាននៃការ​អញ្ជើញដល់រ​បស់សម្តេចតេជោ នាយករដ្ឋមន្រ្តី និងគណៈប្រតិភូជាន់​​ខ្ពស់​រាជ​រដ្ឋាភិបាល​កម្ពុជា ត្រូវបានការធ្វើគារវ​កិច្ចស្វាគមន៍​យ៉ាងស្និទ្ធស្នាល​រ៉ាក់ទាក់​បំផុត ពីឯកឧត្តម គីយ៉ូស្សី អូដាវ៉ារ៉ា អនុរដ្ឋមន្រ្តីក្រ​សួងការ​បរទេសជប៉ុន ឯកឧត្តម Hidehisa Horinouchi ឯកអគ្គរាជទូតវិសាមញ និងពេញ​សមត្ថភាព​​របស់ប្រទេសជប៉ុន ប្រចាំព្រះរាជា​ណាចក្រកម្ពុជា លោកជំទាវ ជា គឹមថា ឯកអគ្គរាជទូតវិសាមញ​និងពេញសមត្ថភាព នៃព្រះរាជាណាចក្រ​កម្ពុជា ប្រចាំប្រទេសជប៉ុន ព្រមទាំងវត្តមានឯកឧត្តម លោកជំទាវ ជាឥស្សរជនជាន់ខ្ពស់​ក្រសួង​ការបរទេសជប៉ុន និងឥស្សរ​ជនការទូតរបស់ព្រះរាជាណាចក្រកម្ពុជា ប្រចាំប្រទេសជប៉ុនជាច្រើនរូប។

ដំណើរបំពេញ​ទស្សនកិច្ច ផ្លូវការរបស់សម្តេច​​តេជោនាយករដ្ឋមន្រ្តី ទៅកាន់ប្រទេសជប៉ុន​នៅពេលនេះ គឺឆ្លើយតបតាមការ​អញ្ជើញ​របស់​​ឯកឧត្តម ស៊ិនហ្សូ អាបេ នាយករដ្ឋមន្រ្តីជប៉ុន ហើយតាមកម្មវិធីគ្រោងទុក​សម្តេចតេជោ​ នាយក​រដ្ឋ​មន្រ្តី និងស្នាក់​នៅ​ទីក្រុងតូក្យូ ប្រទេស​ជប៉ុន​រយៈពេល៤ថ្ងៃ ដើម្បីបំពេញទស្សន​កិច្ចផ្លូវការ ដែលរួមមានការជួបចរចាទ្វេភាគី​​ជាមួយ​សមភាគីជប៉ុន ឯកឧត្តម នាយករដ្ឋមន្រ្តី ស៊ិនហ្សូ អាបេ អញ្ជើញចូលក្រាបបង្គំគល់ព្រះអង្គម្ចាស់ ណារូហីតូ ព្រះរាជ​ទាយាទជប៉ុន អញ្ជើញចូល​រួមសិក្ខាសាលាស្តីពីការវិនិយោគ ការអញ្ជើញទស្សនកិច្ចតំបន់សេដ្ឋកិច្ច ពាណិជ្ជកម្ម ការ​ជួប​សន្ទនាជាមួយតំណាង ថ្នាក់ដឹកនាំនិងផ្នែកធុរកិច្ចជប៉ុន យុវជននិងនិស្សិតកម្ពុជាកំពុងសិក្សានៅប្រទេសជប៉ុន ផងដែរ៕

Cambodian PM arrive Haneda International Airport, Tokyo Japan
Cambodian PM arrive Haneda International Airport, Tokyo Japan
Cambodian PM arrive Haneda International Airport, Tokyo Japan