សម្តេចធិបតី ហ៊ុន ម៉ាណែត បានថ្លែងថា មូលដ្ឋានដ៏រឹងមាំនៃសុខសន្តិភាព គឺជាកត្តាចម្បងបំផុតដែលបានផ្តល់ឱកាសឱ្យប្រជាជនខ្មែរគ្រប់រូបអាចរួមរស់ប្រកបដោយកុសលធម៌ និងសាមគ្គីធម៌ រួមជាធ្លុងមួយជាមហាគ្រួសារខ្មែរតែមួយនៅលើទឹកដីមាតុភូមិដ៏បវរជាទីស្នេហា ក្នុងសេចក្តីក្សេមក្សាន្ត មហាកិត្តិយស និងថ្លៃថ្នូរ។
សម្តេចធិបតី ហ៊ុន ម៉ាណែត បានថ្លែងដូចនេះ នៅរសៀលថ្ងៃទី៣១ ខែឧសភា ឆ្នាំ២០២៤ ក្នុងឱកាសអញ្ជើញជួបសំណេះសំណាល និងពិសាអាហារសាមគ្គីជាមួយសិល្បករខ្មែរ ក្រោមប្រធានបទ «អ្នកស្នងមរតក»។
សម្តេចធិបតី បានថ្លែងបន្តថា សិល្បករបានដើរតួនាទីយ៉ាងសំខាន់ក្នុងការលើកកម្ពស់សុខដុមណីយកម្មសង្គម តាមរយៈសកម្មភាពចូលរួមថែរក្សា និងផ្សព្វផ្សាយពីសិល្បៈវប្បធម៌ដ៏ល្អផូរផង់របស់យើង។ នាឱកាសនោះដែរ សម្តេចធិបតី បានថ្លែងអំណរអរគុណដល់ទឹកចិត្តគោរពស្រលាញ់របស់សិល្បករ សិល្បការិនីគ្រប់ៗរូប បានចូលរួមថែរក្សាប្រពៃណីវប្បធម៌ សិល្បៈដ៏ផូរផង់បន្សល់ទុកពីដូនតារបស់យើង៕
