សម្តេចតេជោ ហ៊ុន សែន ស្នើដាក់ច្បាប់នៅកម្ពុជាសម្រាប់ជនណាដែលថា កម្ពុជាគ្មានអំពើប្រល័យពូជសាសន៍

នៅក្នុងឱកាសដែលសម្តេចអញ្ជើញជាអធិបតីបិទសន្និសីទស្តីពី «អនាគតកម្ពុជាគ្មានអំពើប្រល័យពូជសាសន៍» នៅព្រឹកថ្ងៃទី២២ ខែឧសភា ឆ្នាំ២០២៤ សម្តេចតេជោ ហ៊ុន សែន បានស្នើដល់អ្នកច្បាប់ទាំងអស់ថា តើយើងអាចដាក់ច្បាប់នៅកម្ពុជាបានឬអត់សម្រាប់ជនណាដែលថាកម្ពុជាគ្មានអំពើប្រល័យពូជសាសន៍គឺត្រូវទទួលទោស។

សម្តេចតេជោ ហ៊ុន សែន បានថ្លែងបន្តថា នេះមិនមែនជាការបំផុសស្មារតីដើម្បីសង្កត់ទៅលើការបញ្ចេញមតិទេ ក៏ប៉ុន្តែកម្ពុជាមានរឿងអាក្រក់ ហើយវាល្មមដល់ពេលដែលកម្ពុជាដាក់ច្បាប់ បើមិនដូច្នេះទេពួកអ្នកនយោបាយនៅតែលេងល្បែងដដែលៗ ដែលធ្វើឱ្យភាពច្របូកច្របល់កើតឡើងនៅក្នុងសង្គមរបស់យើង៕