លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អំពាវនាវឱ្យបងប្អូនប្រជាពលរដ្ឋខ្មែរគាំទ្របន្លែ ផ្លែឈើ ក្នុងស្រុក

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ភរិយាសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអំពាវនាវឲ្យប្រជាពលរដ្ឋខ្មែរគាំទ្របន្លែ ផ្លែឈើ ក្នុងស្រុក ដើម្បីជួយដល់កសិករខ្មែរ និងជួយដល់សេដ្ឋកិច្ចជាតិផងដែរ។

ការអំពាវនាវរបស់លោកជំទាវបណ្ឌិត បានធ្វើឡើងតាមរយៈបណ្តាញសង្គមនាល្ងាចថ្ងៃអង្គារ ទី១៤ ខែឧសភា ឆ្នាំ២០២៤។

សារអំពាវនាវនេះ បានភ្ជាប់ជាមួយរូបស្ត្រីវ័យចំណាស់ ត្រកង សណ្តែកកួរមួយបាច់ធំ ហើយសណ្តែកកួរ កំពុងផ្ទុះការចាប់អារម្មណ៍ពីប្រជាពលរដ្ឋខ្មែរលើបណ្តាញសង្គម ខណៈតម្លៃកំពុងឡើងខ្ពស់៕