សម្តេចធិបតី ហ៊ុន ម៉ាណែត៖ The Cambodia Daily ត្រាប់តាមអាស៊ីសេរី ប្រឌិតព័ត៌មានក្លែងក្លាយ ដោយចោទថា “មន្រ្តីជាន់ខ្ពស់រាជរដ្ឋាភិបាលជាអ្នកនិយាយ”

ក្នុងពិធីជួបជុំពិសាភោជនាហារសាមគ្គីជាមួយអ្នកសារព័ត៌មាន លើកទី៦ នៅរសៀលថ្ងៃទី៣ ខែឧសភា ឆ្នាំ២០២៤ សម្តេចធិបតី ហ៊ុន ម៉ាណែត បានថ្លែងថា កាសែត The Cambodia Daily មិនខុសអ្វីពីវិទ្យុអាស៊ីសេរីនោះទេ តែងតែប្រឌិតព័ត៌មានក្លែងក្លាយហើយចោទថា “មន្រ្តីជាន់ខ្ពស់រាជរដ្ឋាភិបាលជាអ្នកនិយាយក្នុងលក្ខណៈសុំមិនបញ្ចេញឈ្មោះ”។

សម្តេចធិបតី ហ៊ុន ម៉ាណែត បានគូសបញ្ជាក់ថា កាសែត The Cambodia Daily គ្មានភាពក្លាហានក្នុងការបញ្ចេញប្រភពព័ត៌មាននោះទេ ពាក់ព័ន្ធនឹងបញ្ហារបស់ឯកឧត្តម គុណ ញឹម បែរជាអះអាងថា យោងតាមប្រភពច្បាស់ការពីមន្រ្តីជាច្រើននៅក្នុងអគ្គនាយកដ្ឋានគយនិងរដ្ឋាករ។ ប៉ុន្តែតាមការពិត ពុំមានមន្រ្តីណាម្នាក់និយាយនោះឡើយ គឺខ្លួនឯងជាអ្នកនិយាយទេ៕