សម្តេចធិបតី ហ៊ុន ម៉ាណែត៖ ការថែរក្សាវប្បធម៌ គឺជាកាតព្វកិច្ចរបស់យើងទាំងអស់គ្នា

នៅក្នុងឱកាសដែលសម្តេច និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញជាអធិបតីក្នុងពិធី «ពិសារអាហារសាមគ្គី និងបំពាក់គ្រឿងឥស្សរិយយសជូនលោកគ្រូ អ្នកគ្រូ សិល្បករ សិល្បការិនី» នៅល្ងាចថ្ងៃទី២៥ ខែមេសា ឆ្នាំ២០២៤ សម្តេចធិបតី ហ៊ុន ម៉ាណែត បានថ្លែងថា ការថែរក្សាវប្បធម៌មិនមែនជាកាតព្វកិច្ចរបស់អ្នកណាម្នាក់នោះទេ ប៉ុន្តែវាគឺជាវប្បធម៌សម្រាប់យើងទាំងអស់គ្នា ហើយយើងទាំងអស់គ្នាសម្រាប់វប្បធម៌។

សម្តេចធិបតី ហ៊ុន ម៉ាណែត បានថ្លែងបន្តថា ការស្រាវជ្រាវ ការចងក្រងឱ្យបានច្បាស់ ការផ្សព្វផ្សាយឱ្យបានទូលំទូលាយ និងការជួយតម្រង់ទិសអ្នកប្រើប្រាស់ឱ្យបានដឹង គឺជារឿងចំាបាច់ក្នុងការថែរក្សាវប្បធម៌ប្រពៃណីរបស់យើង៕