សម្តេចធិបតី ហ៊ុន ម៉ាណែត៖ ការសម្ពោធអគារមជ្ឈមណ្ឌលផ្តល់សេវាវះកាត់នៅថ្ងៃនេះ នឹងផ្ដល់ប្រយោជន៍យ៉ាងធំសម្រាប់ប្រជាជនខេត្តសៀមរាបនិងខេត្តជុំវិញ

សម្តេចធិបតី ហ៊ុន ម៉ាណែត បានថ្លែងថា  ការសម្ពោធអគារមជ្ឈមណ្ឌលផ្តល់សេវាវះកាត់នេះគឺជាសមិទ្ធផលធំមួយក្នុងវិស័យសុខាភិបាល ហើយក៏នឹងផ្ដល់គុណប្រយោជន៍យ៉ាងធំសម្រាប់ប្រជាជនខេត្តសៀមរាបនិងខេត្តជុំវិញ។

ឆ្លៀតក្នុងឱកាសនោះដែរ សម្តេចធិបតី ហ៊ុន ម៉ាណែត ក៏បានថ្លែងអំណរគុណដល់រដ្ឋាភិបាល និងប្រជាជនជប៉ុន ព្រោះសមិទ្ធផលនេះកើតឡើងដោយសារការជួយរបស់រដ្ឋាភិបាលនិងប្រជាជនជប៉ុន ហើយយើងចាត់ទុកថា នេះជាកាដូឆ្នាំថ្មីរបស់ប្រជាជនកម្ពុជាពីសំណាក់ប្រជាជនជប៉ុន។ 

សម្តេចធិបតី ហ៊ុន ម៉ាណែត បានថ្លែងដូចនេះនៅក្នុងឱកាសដែលសម្តេចអញ្ជើញជាអធិបតីក្នុងពិធី «សម្ពោធអគារមជ្ឈមណ្ឌលផ្តល់សេវាវះកាត់ នៃមន្ទីរពេទ្យបង្អែកខេត្តសៀមរាប» នៅព្រឹកថ្ងៃទី២០ ខែមេសា ឆ្នាំ២០២៤៕