នៅក្នុងពិធីបើកជាផ្លូវការ ពិធីបុណ្យទន្លេលើកទី៨ ឆ្នាំ២០២៤ នៅខេត្តសៀមរាប ក្រោមប្រធានបទ «ទន្លេដើម្បីសន្តិភាព និងការអភិវឌ្ឍ» នៅល្ងាចថ្ងៃទី១៦ ខែមីនា ឆ្នាំ២០២៤ សម្តេចធិបតី ហ៊ុន ម៉ាណែត បានថ្លែងថា ផលលាភនៃសុខសន្តិភាព បានធ្វើឲ្យកម្ពុជាមានការអភិវឌ្ឍរីកចម្រើន និងមានអ្វីៗទាំងអស់ដូចសព្វថ្ងៃនេះ ហើយប្រជាពលរដ្ឋរស់នៅប្រកបដោយភាពសម្បូរសប្បាយ។
ក្នុងឱកាសនោះដែរ សម្តេចធិបតី ហ៊ុន ម៉ាណែត ក៏បានអំពាវនាវឱ្យប្រជាពលរដ្ឋទាំងអស់ចូលរួមថែរក្សាសុខសន្តិភាព ដោយមិនត្រូវឱ្យមជ្ឈដ្ឋានណាមួយមកបំផ្លាញសុខសន្តិភាពរបស់ប្រទេសកម្ពុជានោះឡើយ៕
