សម្តេចមហាបវរធិបតី ហ៊ុន ម៉ាណែត ជួបជជែកពិភាក្សាជាមួយ ប្រធានសភារបស់ប្រទេសឥណ្ឌូនេស៊ី ក្នុងឱកាសចូលរួមពិធីជប់លៀងពិសេស (Gala Dinner) ក្រោយកិច្ចប្រជុំកំពូលអាស៊ាន នៅឥណ្ឌូនេស៊ី

(ភ្នំពេញ)៖ ក្រៅពីជួបជជែកពិភាក្សាជាមួយមេដឹកនាំអាស៊ាន និងមេដឹកនាំពិភពលោក នៅរាត្រីថ្ងៃទី០៦ ខែកញ្ញា ឆ្នាំ២០២៣ដដែល នៅក្នុងឱកាសចូលរួមពិធីជប់លៀងពិសេស (Gala Dinner) សម្តេចមហាបវរធិបតី ហ៊ុន ម៉ាណែត និងលោកជំទាវ ក៏បានជួបជជែកពិភាក្សាជាមួយលោកស្រី Puan Maharani ប្រធានសភារបស់ប្រទេសឥណ្ឌូនេស៊ី។

លោកស្រី Puan Maharani គឺជាចៅស្រីរបស់អតីតប្រធានាធិបតីឥណ្ឌូនេស៊ី Sukarno និងជាកូនស្រីរបស់អតីតប្រធានាធិបតី Megawati Sukarnoputri។

សូមជំរាបថា នៅក្នុងឱកាសកិច្ចប្រជុំកំពូលអាស៊ាន និងអាស៊ានបូក, សម្តេចធិបតី ហ៊ុន ម៉ាណែត បានជួបថ្នាក់ដឹកនាំជាច្រើន ក្នុងនោះរួមទាំងលោកស្រី ខាម៉ាឡា ហារីស (Kamala Harris) អនុប្រធានធិបតីអាមេរិក និងលោក លី ឈាង (Li Qiang) នាយករដ្ឋមន្ត្រីនៃសាធារណរដ្ឋប្រជាមានិតចិនផងដែរ៕

ពិធីជប់លៀងពិសេសអាហារពេលល្ងាច (Gala Dinner) រៀបចំដោយ លោក Joko Widodo ប្រធានាធិបតី នៃសាធារណរដ្ឋឥណ្ឌូនេស៊ី នៅទីក្រុងហ្សាការតា សាធារណរដ្ឋឥណ្ឌូនេស៊ី។