ពិធីក្រុងពាលីសុំសេចក្តីសុខ និងសុំព្រះអគ្គីអាទិទេពកីឡាសម្រាប់ SEA Games-ASEAN Para Games 2023

 

(សៀមរាប)៖ នៅព្រឹកថ្ងៃចន្ទ ទី២០ ខែមីនា ឆ្នាំ២០២៣ នេះ គណៈកម្មការរៀបចំកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ (CAMSOC) បានសហការជាមួយក្រសួងព្រះបរមរាជវាំង និងគណៈកម្មការបុណ្យជាតិ បានរៀបចំពិធីក្រុងពាលីសុំសេចក្តីសុខ សេចក្តីចម្រើន និងសុំព្រះអគ្គីកីឡាសម្រាប់ព្រឹត្តិការណ៍ SEA Games-ASEAN Para Games ឆ្នាំ២០២៣ នៅកម្ពុជា។

សម្រាប់ពិធីក្រុងពាលី និងសុំព្រះអគ្គីកីឡានេះបានធ្វើឡើងមួយថ្ងៃ មុនពេលព្រះរាជពិធីប្រោសព្រះរាជទានផ្តល់ភ្លើងគប់ ដើម្បីដង្ហែរជុំវិញតំបន់អាស៊ាន ក្នុងការឆ្ពោះទៅពិធីបើកជាផ្លូវការនាដើមខែឧសភាខាងមុខនេះ ដែលនឹងចាប់ផ្តើមដង្ហែរជាផ្លូវការចាប់ពីថ្ងៃទី២២ ខែមីនា រហូតដល់ថ្ងៃទី២៧ ខែមេសា ឆ្នាំ២០២៣ ដោយឆ្លងកាត់ប្រទេសចំនួន ១០នៅតំបន់អាស៊ីអាគេ្នយ៍។

ហើយនៅថ្ងៃទី២១ ខែមីនាខាងមុខនេះ ពិធីប្រោសព្រះរាជទានផ្តល់ភ្លើងព្រះអគ្គីកីឡា ផ្តល់ភ្លើងគប់ នឹងធ្វើឡើងក្រោមព្រះរាជាធិបតីដ៏ខ្ពង់ខ្ពស់បំផុតរបស់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រមហាក្សត្រនៃព្រះរាជណាចក្រកម្ពុជា។

និងមានការអញ្ជើញចូលរួមដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា សម្តេច ស ខេង សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ និងកីឡាអាស៊ានប៉ារ៉ាហ្គេមលលើកទី១២ ឆ្នាំ២០២៣។

សម្រាប់ពិធីក្រុងពាលី និងសុំព្រះអគ្គីកីឡានេះ ធ្វើឡើងមួយថ្ងៃ មុនពេលព្រះរាជពិធីប្រោសព្រះរាជទានផ្តល់ភ្លើងគប់ ដើម្បីដង្ហែរជុំវិញតំបន់អាស៊ាន ក្នុងការឆ្ពោះទៅពិធីបើកជាផ្លូវការនាដើមខែឧសភាខាងមុខនេះ ដែលនឹងចាប់ផ្តើមដង្ហែរជាផ្លូវការចាប់ពីថ្ងៃទី២២ ខែមីនា រហូតដល់ថ្ងៃទី២៧ ខែមេសា ឆ្នាំ២០២៣ ដោយឆ្លងកាត់ប្រទេសចំនួន ១០នៅតំបន់អាស៊ីអាគេ្នយ៍។

ក្នុងពិធីក្រុងពាលីថ្ងៃនេះដែរ បានធ្វើឡើងក្រោមអធិបតីភាពឯកត្តមបណ្ឌិត ថោង ខុន រដ្ឋមន្រ្តីក្រសួងទេសចរណ៍ និងជាអនុប្រធានអចិន្រ្តីយ៍ CAMSOC, ឯកឧត្តម ខៀវ កាញ៉ារីទ្ធ រដ្ឋមន្រ្តីក្រសួងព័ត៌មាន និងជាអនុប្រធាន CAMSOC រួមទាំងលោកជំទាវ ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្បៈ ព្រមទាំងថ្នាក់ដឹកនាំក្រសួង និងស្ថាប័នពាក់ព័ន្ធជាច្រើនទៀតផងដែរ៕

ពត៌មានទាក់ទង

ពត៌មានផ្សេងៗ

ទស្សនារូបភាព៖ ពិធីបើកការប្រកួតកីឡាជនមាន ពិការភាពអាស៊ានប៉ារ៉ាហ្គេម (Para Game) ក្...

ទស្សនារូបភាព៖ ពិធីបើកការប្រកួតកីឡាជនមាន ពិការភាពអាស៊ានប៉ារ៉ាហ្គេម (Para Game) ក្រោមអធិបតីភាពដ៏ខ្ពង់ខ្ពស់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត នាថ្ងៃទី០៣ ខែមិថុនា ឆ្នាំ២០២៣