សម្ដេចតេជោនាយករដ្ឋមន្ត្រី អបអរសាទរខួបទី១៥ឆ្នាំ នៃការចុះក្នុង​​បញ្ជី​បេតិកភណ្ឌ​ពិភពលោក​របស់ល្ខោន​ស្រមោល​ស្បែក​ធំរបស់កម្ពុជា

8

ភ្នំពេញ ថ្ងៃទី២៥ ខែវិច្ឆិកា ឆ្នាំ២០២០–ប្រមុខរាជរដ្ឋាភិបាលកម្ពុជា សម្ដេចអគ្គមហា សេនាបតីតេជោ ហ៊ុន សែន បានសម្ដែងនូ​វ​ការអបអរសាទរចំពោះខួបទី១៥ឆ្នាំ ដែល​ល្ខោន​ស្រមោល​ស្បែក​ធំរបស់កម្ពុជា ឬ ហៅថា «ណាំ​​ងស្បែកធំ» ត្រូវបាន​ចុះក្នុងបញ្ជីបេតិកភណ្ឌ វប្បធម៌អរូបី នៃមនុស្សជាតិ កាលពីថ្ងៃទី២៥ ខែ​វិច្ឆិកា ឆ្នាំ២០០៥ របស់អង្គការយូណេស្កូ។

​នៅលើផេកផ្លូវការថ្ងៃ១០កើត ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃពុធ ទី២៥ ខែវិច្ឆិកា ឆ្នាំ២០២០នេះ សម្ដេចតេជោ បានសរសេរថា នៅថ្ងៃ​ទី​២​៥ ខែវិច្ឆិកា ឆ្នាំ២០២០ នេះ គឺជាខួបទី១៥ឆ្នាំ ដែលល្ខោនស្រមោលស្បែកធំរបស់កម្ពុជា ត្រូវ​បាន​ចុះក្នុងបញ្ជីបេតិក ភណ្ឌវប្បធម៌អរូបី នៃមនុស្សជាតិ កាលពីថ្ងៃទី២៥ ខែវិច្ឆិកា ឆ្នាំ២០០៥ រប​ស់អង្គការយូណេ ស្កូ។

សម្ដេចតេជោបានបន្តថា សិល្បៈល្ខោនស្បែកធំ ​មានប្រវត្តិ និងអាយុ​កា​លជាយូរលង់ ណាស់មកហើយលើទឹកដីនៃព្រះរាជាណាចក្រកម្ពុជា ត្រូវបានសកល​លោក​ទ​ទួ​លស្គាល់ និង ឱ្យតម្លៃថា ជាសម្បត្តិមនុស្សជាតិដ៏អស្ចារ្យ និងបានដាក់បញ្ចូល​ជាបេតិក​ភ​ណ្ឌ​ពិភពលោក ខាងបេតិកភណ្ឌបញ្ចេញសំឡេង និងអរូបីយ៍របស់មនុស្សជាតិ ក្នុងឆ្នាំ២០០៥ រប​ស់អង្គការយូ ណេស្កូ​ទៀតផង ដែលនេះ​ជាមោទនភាពជាតិមួយ ដ៏ត្រចះត្រចង់មិនអាចកាត់​ថ្លៃ​បាន។

សម្ដេចតេជោនាយករដ្ឋមន្ត្រីបានគូសបញ្ជាក់ថា ល្ខោនស្បែកធំ អាចត្រូវបានគេ​ហៅ​ឈ្មោះ​ម្យ៉ាងទៀតថា «ណាំងស្បែកធំ» ហើយវាជាសិល្បៈស្រមោលមួយបែប ដែលប្រើប្រាស់​ផ្ទាំ​ង​រូបឆ្លាក់ពីស្បែក មកសម្តែងជាឈុតឆាកសាច់រឿង ហើយរូបឆ្លាក់ពីស្បែកទាំងនោះ​ត្រូវ​គេ​ដា​ប់ និងឆ្លាក់ជារូបអាទិទេព ដែលភាគច្រើនជារឿងបែបព្រហ្មណ៍សាសនា។ ល្ខោនស្បែកធំ ​គឺ​ជាសិល្បៈមួយ​មានប្រវត្តិនៅពេលព្រហ្ម​សាសនាចូលមកទឹកដីខ្មែរ។

សម្ដេចតេជោបាន​រម្លឹ​ក​ថា កាលពីដើមឡើយ សិល្បៈប្រភេទនេះ ត្រូវបានគេឃើញ សម្តែងក្នុងពិធីតែពីរ ឬបីប៉ុណ្ណោះ​ក្នុ​ង​មួយឆ្នាំ ហើយកម្រសម្តែងជាសាធារណៈណាស់។ ពិធីទាំងនោះ មានដូចជាពិធីបុណ្យ​ចូ​ល​ឆ្នាំ​ខ្មែរ ពិធីបុណ្យចម្រើនព្រះជន្មព្រះមហាក្សត្រ និងពិធីគ្រងរាជ្យ ឬក្នុងពិធីសក្ការៈរបស់​ឥ​ស្ស​រ​ជ​ន​ល្បីៗ។ កិច្ចការពារបេតិកភណ្ឌវប្បធម៌ ជាភារកិច្ចរបស់កូនខ្មែរគ្រប់ៗរូប៕

ដោយជឹម ណារី