ប្រមុខរាជរដ្ឋាភិបាល ជូនពរបងប្អូនជនរួមជាតិក្នុងថ្ងៃប្រវត្តិសាស្ត្រទិវាប្រកាសរដ្ឋធម្មនុញ្ញនៃព្រះរាជាណាចក្រកម្ពុជា

នៅលើផេកផ្លូវការ នាថ្ងៃទី ២៤ ខែកញ្ញា ឆ្នាំ២០២០ សម្ដេចតេជោបានសរសេរថា ថ្ងៃទី ២៤ ខែ កញ្ញា ឆ្នាំ ២០២០ នេះគឺជាថ្ងៃឈប់សម្រាកអបអរសាទរ “ទិវាប្រកាសរដ្ឋធម្មនុញ្ញនៃព្រះរាជាណាចក្រកម្ពុជា” (២៤ កញ្ញា ១៩៩៣ – ២៤ កញ្ញា ២០២០) ដែលប្រទេសកម្ពុជាបានវិលត្រឡប់មកកាន់ “ព្រះរាជាណាចក្រកម្ពុជា” សារជាថ្មីឡើងវិញ ក្រោយពីយើងបានបញ្ចប់សង្រ្គាមស៊ីវិល នឹងមានការបោះឆ្នោតដោយសេរីលើកទី១នៅឆ្នាំ ១៩៩៣។ សម្ដេចតេជោបានបន្តថា នៅក្នុងថ្ងៃប្រវត្តិសាស្រ្តនេះ សម្តេចតេជោសូមជូនពរបងប្អូនជនរួមជាតិជួបតែសេចក្តីសុខ សេចក្តីចម្រើនគ្រប់ក្រុមគ្រួសារ និងសូមធ្វើដំណើរកម្សាន្តឆ្ងាយជិតជាមួយក្រុមគ្រួសារមានសុខសុវត្ថិភាពគ្រប់ៗគ្នា។ អរគុណសន្តិភាព៕

ដោយ ជឹម ណារី