សម្ដេចតេជោ ហ៊ុន សែន ស្នើឱ្យប្រជាពលរដ្ឋមានការប្រុងប្រយ័ត្នទ្វេដង បើទោះបី​ជាអត្រា​ឆ្លងវីរុសកូវីដ-១៩មិនកើនខ្លាំង និងអ្នកព្យាបាលដែលបានជាសះស្បើយមានចំនួនកាន់តែ ច្រើនក៏ពិតមែន

17

ភ្នំពេញ ថ្ងៃទី២៤ ខែមេសា ឆ្នាំ២០២០ — ប្រមុខរាជរដ្ឋាភិបាលកម្ពុជា សម្ដេចអគ្គមហាសេ នាបតីតេជោ ហ៊ុន សែន បានស្នើឱ្យប្រ​ជា​​ពលរដ្ឋមានការប្រុងប្រយ័ត្នទ្វេដង បើទោះបីជាអត្រា ឆ្លងវីរុសកូវីដ-១៩មិនកើនខ្លាំងដូចប្រ​ទេ​ស​ដទៃ និងអ្នកព្យាបាលដែលបានជាសះស្បើយមាន ចំនួនកាន់តែច្រើនក៏ពិតមែននោះ។

នៅលើផេកផ្លូវការ ថ្ងៃសុក្រ ៣កើត ខែពិសាខ ឆ្នាំជូត ទោស័ក ព.ស. ២៥៦៣ត្រូវនឹង ថ្ងៃទី២៤ ខែមេសា ឆ្នាំ២០២០នេះ សម្ដេចតេជោបានសរសេរថា សុខ​ស​ប្បា​យជាទេបងប្អូន ជនរួមជាតិ។ ក្នុងប៉ុន្មានថ្ងៃកន្លងមកនេះ នៅក្នុងប្រទេសយើងទោះបីអត្រា​ឆ្លង​​រោគកូវីដ-១៩ មិនបានកើនឡើងខ្លាំងដូចប្រទេសដទៃ ហើយចំនួនអ្នកព្យាបាលដែលបាន​ជា​សះស្បើយក៏ កាន់តែមានច្រើនពិតមែន ប៉ុន្តែយើងត្រូវមានការប្រុងប្រយ័ត្នជាប់ខ្លួនជានិច្ច ជា​ពិ​សេស ត្រូវ បង្កើនការប្រុងប្រយ័ត្នទេ្វដង។ ព្រោះមេរោគកូរ៉ូណា២០១៩ (Coronavirus 2019) ដែលយើង ហៅថាកូវីដ-១៩ (covid-19) ដែលជាជំងឺឆ្លងដ៏កាចសាហាវនេះ គឺពុំទាន់មាន​ថ្នាំព្យា​បា​ល​នៅ ឡើយទេ។

សម្ដេចតេជោបានបន្តថា ក្នុងប៉ុន្មានថ្ងៃនេះ នៅតាមដងផ្លូវក៏មានការ​ធ្វើដំ​ណើ​រណែន រកកលស្ទះចរាចរណ៍ទៀតផង។ សូមក្រើនរម្លឹកដល់បងប្អូនប្រជាពលរដ្ឋត្រូវ​ចង​ចាំ​និងបង្កើន ការប្រុងប្រយ័ត្នជាប់ខ្លូនជានិច្ច គឺត្រូវពាក់ម៉ាសការពារ មានទឹកអាល់កុល និង​ជែ​ល​សម្អាតមេ រោគ និងបាក់តេរីផ្សេងៗ ចៀសវាងការចម្លងរោគពីម្នាក់ទៅម្នាក់ ដោយសារ​ខ្វះ​ការ​ប្រុ​ងប្រយ័ត្ន ឬគិតស្រាលៗថា ស្រុកយើងមិនអីទេនោះ។ បើគ្មានការចាំបាច់ទៅខាងក្រៅផ្ទះទេ សូមកុំទៅ ឬទៅក្នុងចំណោមក្រុមមនុស្សច្រើន​ គឺឱ្យតែមេគ្រួសារ ឬអ្នកដែលចាំបាច់ត្រូវទៅ​បាន​ហើ​យ។ សម្ដេចតេជោនាយករដ្ឋមន្ត្រី ក៏សូមបងប្អូនយកការព្រួយបារម្ភ​ និងភ័យខ្លាចនេះ​ទៅ​ជា​​​ការប្រុង ប្រយ័ត្នខ្ពស់ជាប្រចាំរាល់ថ្ងៃដោយមានអនាម័យរស់នៅល្អ ដើម្បីសុខភាពនិង​អាយុ​ជី​វិតរស់នៅ បានយូរអង្វែង។

គួរបញ្ជាក់ដែរថា បើតាមសេចក្ដីជូនព័ត៌មានរបស់ក្រសួងសុខាភិបាលនៅថ្ងៃទី២៤ ខែមេ​សា ឆ្នាំ២០២០នេះ បានឱ្យដឹងអំពីស្ថានភាពជំងឺកូវីដ-១៩នៅកម្ពុជាថា អ្នកព្យាបាលជា សះ​ស្បើយ​ស​រុបមានចំនួន ១១០នាក់ អ្នកដែលកំពុងសម្រាកព្យាបាលមានចំនួន ១២នាក់ ក្នុងចំណោម​អ្នក​មានវីរុសកូវីដ-១៩ ដែលបានរកឃើញនៅទូទាំងប្រទេសចំនួន ១២២នាក់៕

ដោយ ជឹម ណារី