ឯកឧត្តមកិតិ្តនីតិកោសលបណ្ឌិត ប៊ិន ឈិន អញ្ជើញដាក់កម្រងផ្កានៅវិមានឯករាជ្យ និងគោរព ព្រះវិញ្ញាណក្ខន្ធព្រះករុណាព្រះបរមរតនកោដ្ឋ នៅមណ្ឌលតម្កល់ព្រះបរមរូប

នៅរសៀលថ្ងៃទី០៨ ខែវិច្ឆិកា ឆ្នាំ២០១៩ ឯកឧត្តមកិតិ្តនីតិកោសលបណ្ឌិត ប៊ិន ឈិន ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី អមដំណើរដោយ ឯកឧត្តម លោកជំទាវ ជាថ្នាក់ដឹកនាំនៃទីស្តីការគណៈរដ្ឋមន្រ្តី បានអញ្ជើញ​ដាក់កម្រងផ្កា​គោរពវិញ្ញាណក្ខន្ធដល់យុវជន យុវនារីដែលបានពលីអាយុជីវិត​ ក្នុងបុព្វហេតុ​ឯករាជ្យជាតិ​នៅវិមានឯករាជ្យ និងគោរពព្រះវិញ្ញាណក្ខន្ធព្រះករុណាព្រះបរមរតនកោដ្ឋ នៅមណ្ឌលតម្កល់ព្រះបរមរូប ។