សម្ដេចតេជោនាយករដ្ឋមន្ត្រី ហ៊ុន សែន ជំរុញឱ្យសហគ្រិនចិន បន្តមកបណ្ដាក់​ទុនវិនិយោគ​នៅកម្ពុជា

ភ្នំពេញ ថ្ងៃទី០៨ ខែតុលា ឆ្នាំ២០១៩ — ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានជំរុញឱ្យ​ស​ហគ្រិនចិនមកវិនិយោគបណ្ដាក់ទុននៅក្នុងប្រទេសកម្ពុជា ហើយកុំមានការភ័យព្រួយ​ចំ​ពោះ​​​​​ចំណុចណាមួយនៅប្រទេសកម្ពុជាឱ្យសោះ ដោយសារតែចិន និងកម្ពុជាមាន​ទំនាក់ទំនង ល្អ និ​ង​មានកិច្ចសហប្រតិបត្តិការយុទ្ធសាស្ត្រគ្រប់ជ្រុងជ្រោយរួចទៅហើយនោះ។

នេះបើយោងតាមការឱ្យដឹងរបស់ ឯកឧត្ដម កៅ គឹមហួន រដ្ឋមន្ត្រីប្រតិភូ​អមនាយក​រដ្ឋ​   ម​ន្ត្រី​ បន្ទាប់ពីសម្ដេចអគ្គមហាសេនាបតីតេជោ ហ៊ុន សែន បានអនុញ្ញាតឱ្យ លោក ហ៊ុន ខឺជូ ប្រ​ធាន​សមាគមត្រកូល ហ៊ុន នៃប្រទេសចិន និងគណៈប្រតិភូ ចូលជួបសម្ដែងការគួរសម នា ព្រឹ​ក​ថ្ងៃ​អង្គារ ១០កើត ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៨ ខែតុលា ឆ្នាំ ២០១៩​នេះ នៅវិមានសន្តិភាព។

ក្នុងជំនួបនោះ សម្ដេចតេជោ ហ៊ុន សែន បានស្វាគមន៍ និងបានបញ្ជា​ក់​អំពី​ទំនាក់ទំនង ដែលមានជាយូរលង់ណាស់មកហើយរវាងកម្ពុជា និងចិន ជាពិសេស​ស​ម្ដេច​​បានមាន​ប្រ សាសន៍លើកឡើងអំពីសារៈសំខាន់នៃការប្រកាន់យកនយោបាយចិនតែមួ​យ ដែល​គោ​ល​​នយោបាយចិនតែមួយ ដែលកម្ពុជាបានចាប់ផ្តើមតាំងពីសម័យ​សម្ដេចព្រះ​បរ​ម​រ​ត​នកោដ្ឋ ស​ម្តេចព្រះនរោត្ដម សីហនុ មកម្លេះ។ ជាមួយគ្នានេះ ក្នុងជំនួបជាមួយសហគ្រិនដែល​មកពី បណ្ដា​ខេត្តផ្សេងៗ​នៃ​ប្រទេសចិន ហើយសុទ្ធតែអ្នកវិនិយោគសំខាន់ៗ ដែលមកសិក្សាអំពី សក្តានុពល និងឱកា​ស​វិនិ​យោគ​នៅក្នុងប្រទេសកម្ពុជានោះ  សម្ដេចតេជោក៏បានលើកឡើង ពាក់ព័ន្ធ​នឹង​អ្វី​ដែ​ល​កន្លង​មក សម្ដេចបានស្នើទៅថ្នាក់ដឹកនាំចិន ជាពិសេសឯកឧត្តមប្រធានា ធិបតីចិន ស៊ី ជីនពីង និង​នាយ​ករដ្ឋមន្ត្រីចិន លឺ ខឺឈាង ដែលក្នុងនោះមាន ទី១- គឺស្នើឱ្យ ក្រុមហ៊ុនចិនដែលកំពុងដាក់​ទុន​នៅ​កម្ពុជាបន្តនិយោគនៅកម្ពុជា ទោះបីជាមានបញ្ហាអ្វីក៏ ដោយ ជាពិសេសការដក EBA ពី​កម្ពុ​ជាក៏ដោយ ក៏សម្ដេចស្នើឱ្យចិននៅតែបន្តធ្វើការវិនិយោគ​នៅក្នុងប្រទេសកម្ពុជាជា​បន្តទៀ​ត​។ ទី២-  សម្ដេចបានមានប្រសាសន៍ពាក់ព័ន្ធនឹងការធ្វើ​យ៉ាង ណាឱ្យពាណិជ្ជករអ្នក​វិនិយោគ​ចិ​ន​ថ្មី ​របស់ចិនមកបណ្ដាក់ទុននៅប្រទេសកម្ពុជាបន្ថែម ដើម្បី ធ្វើពាណិជ្ជកម្មនៅប្រទេស​កម្ពុជា គឺមានន័យថាថែរក្សាចាស់ និងបង្កើនការវិនិយោគថ្មី។ ទី៣- សម្ដេចតេជោបានស្នើទៅ​ថ្នាក់ដឹកនាំចិន ត្រូវធ្វើយ៉ាងណាបន្តបើកទីផ្សារ ចិនឱ្យកាន់តែធំជាង មុន​ សម្រាប់ការនាំចូល​ផលិត​​ផល​ក​សិ​ផលរបស់ប្រទេសកម្ពុជាទៅទីផ្សាររបស់ប្រទេសចិន។

សម្តេចតេជោនាយករដ្ឋមន្ត្រី​ក៏បា​ន​គូស​បញ្ជាក់ប្រាប់ពីមូលហេតុដែលរាជរដ្ឋាភិបាល​បានលុបចោលនូវ Online Casino ក្នុងប្រទេ​ស​​កម្ពុជា ដោយសម្តេចបានបញ្ជាក់ថា កម្ពុជា​ជាប្រទេសមួយដែលប្រកាន់​យកសេដ្ឋកិច្ច​ទីផ្សា​រ​សេ​រី ក៏ប៉ុន្តែការអភិវឌ្ឍប្រទេសកម្ពុជាមិនពឹង​ផ្អែកលើកាស៊ីណូអនឡាញនោះទេ ប៉ុន្តែពឹងផ្អែក​ទៅ​លើកត្តាជាច្រើននៅក្នុងមូលដ្ឋានសេដ្ឋ​កិច្ច ដូច្នេះគឺត្រូវធ្វើយ៉ាងណាពង្រឹង​ការអនុវត្តច្បាប់​នៅ​ប្រទេសកម្ពុជា និងធ្វើយ៉ាងណា​ដើម្បី​ទាក់ទាញការវិនិយោគច្បាស់លាស់ ដែលមកវិនិ​យោ​គ​ទៅលើវិស័យផ្សេងៗ មិនមែនតែពឹង​ផ្អែក​ទៅលើកាស៊ីណូអនឡាញនោះទេ។ សម្ដេចតេជោបានពន្យល់ថា កម្ពុជាបានពន្ធ​តិច​តួច​ណាស់តាមរយៈកាស៊ីណូអនឡាញ ហើយកាស៊ីណូអនឡាញនេះ ក៏នាំមកនូវការ​ប្រ​ឈ​ម ដូចជា ឧក្រិដ្ឋកម្ម ការលាងលុយកខ្វក់ជាដើម ដែលអាចធ្វើប៉ះពាល់ដល់សង្គម។ សម្ដេច​តេ​ជោក៏​បានមានប្រសាសន៍បន្តថា បច្ចុប្បន្ននេះ ទំហំពាណិជ្ជកម្មរវាងប្រទេសកម្ពុជា និងចិន    មា​នការកើនឡើងជាបន្តបន្ទាប់ ដែលគោលដៅក្នុងការធ្វើពាណិជ្ជកម្មដល់ឆ្នាំ២០២២ អាច​កើ​ន​ឡើ​ងរហូតដល់ទៅ១០ពាន់លានដុល្លារអាម៉េរិក។ សម្ដេចតេជោក៏បានលើកឡើងផងដែរ ទាក់​ទង​​នឹងយន្តការ ដែលកម្ពុជាកំពុងតែសហការនឹងចិនទៅលើ ចំណុចសំខាន់ៗ ដូចជា​កិច្ច​ស​ហ​ប្រ​តិបត្តិការនៅ​ក្នុង​អ​នុ​តំ​បន់ កិច្ចសហប្រតិបត្តិការមេគង្គ-ឡានឆាង ក្នុងអនុតំបន់​មេគង្គអា​ស៊ា​ន​-ចិន និងកិច្ចប្រជុំអាស៊ីបូព៌ាជាដើម។

សម្ដេចបានគូសបញ្ជាក់បន្ថែមថា បច្ចុប្បន្ននេះ នៅមានសក្ដា​នុព​ល​ជាច្រើនក្នុង​ការ​​ធ្វើ​​ពាណិជ្ជកម្ម និងសេដ្ឋកិច្ច ដោយសារកន្លងមកនេះយើង​មានរួច​ហើ​យ​នៅ តំបន់សេដ្ឋកិច្ចសេរី​រវាងអាស៊ាន-ចិន  ដូច្នេះគួរតែពិនិត្យមើលសក្តានុពល​ដែលអាច​នាំ​ចេ​ញ​​ផលិតផលកម្ពុជា​នាំចេញ​ទៅ​កាន់ទីផ្សារចិន៕

ដោយ ជឹម ណារី

ពត៌មានទាក់ទង

ពត៌មានផ្សេងៗ