កិច្ចព្រមព្រៀង និងអនុស្សរណៈចំនួន៧ ត្រូវបានចុះហត្ថលេខាក្នុងដំណើរទស្សនកិច្ច របស់សម្ដេចតេជោ ហ៊ុន សែន នៅប្រទេសវៀតណាម

29

ភ្នំពេញ ថ្ងៃទី០៤ ខែតុលា ឆ្នាំ២០១៩ — បន្ទាប់ពីជំនួបទ្វេភាគីដែលបានចំណាយពេលប្រមាណមួយម៉ោង នៅក្នុងដំណើរ ទស្សនកិ​ច្ចផ្លូវការទៅកាន់ប្រទេសវៀតណាមនោះ សម្ដេចអគ្គមហា​សេនា​ប​តី​តេជោ ហ៊ុន សែន នាយ​ក​​រដ្ឋមន្ត្រីនៃព្រះរាជាណាចក្រកម្ពុជា និងឯកឧត្ដម ង្វៀន សួនហ៊្វុក នាយករដ្ឋមន្ត្រី នៃសា​ធារ​ណ​រ​ដ្ឋសង្គមនិយមវៀតណាម បានអញ្ជើញធ្វើជាសាក្សីនៃពិធីចុះហត្ថលេខា​លើកិច្ចព្រម​ព្រៀ​ង និ​​ង​​អនុស្សរណៈចំនួន៧  សំដៅជំរុញកិច្ចសហប្រតិបត្តិការលើគ្រប់វិស័យ រវាងប្រទេស​ទាំង​ពី​​រ​​​ឱ្យ​​កាន់តែរឹងមាំ​​​ថែមទៀត។

ឯកសារទាំងនោះរួមមាន៖ ទី១- កិច្ចព្រមព្រៀងស្តីពីការផ្តល់ជំនួយ រវាងសាធារណរដ្ឋ ស​ង្គ​មនិយមវៀតណាម និងព្រះរាជាណាចក្រកម្ពុជា ក្នុងទឹកប្រាក់ចំនួន៣លានដុល្លារអាម៉េរិក ដើ​ម្បី​​អនុវត្តន៍គម្រោងសាងសង់សមាសធាតុមួយចំនួន នៃមជ្ឈមណ្ឌលជាតិផ្តល់សេវា ព្យាបាល ដោ​យស័្មគ្រចិត្ត និងផ្អែកលើសហគមន៍ដល់អ្នកញៀន គ្រឿងញៀននៅ ខេត្តព្រះសីហនុ ពីឆ្នាំ២​​០១៩ ដល់ឆ្នាំ២០២០ ចុះហត្ថលេខារវាងឯកឧត្តមនាយឧត្តមសេនីយ៍ ជួន សុវណ្ណ អនុប្រធានអា​ជ្ញា​ធរ​ជាតិប្រយុទ្ធប្រឆាំងគ្រឿងញៀនកម្ពុជា ជាមួយឯកឧត្តម ដាវ ង៉ុកហ៊្សុង រដ្ឋមន្រ្តីក្រសួងការងា​រយុវនីតិសម្បទា និងសង្គមវៀតណាម។ ទី២- កិច្ចព្រមព្រៀង ផ្តល់ជំនួយ​លើគម្រោងសា​ង​ស​​ង់អគាររដ្ឋបាលថ្មី សម្រាប់រដ្ឋសភានៃព្រះរាជាណាចក្រ កម្ពុជា។  ទី៣- អនុស្សរណៈ​យោគ​យ​​ល់គ្នាទៅវិញទៅមក រវាងក្រសួងសេដ្ឋកិច្ច និងហិរញ្ញវត្ថុ កម្ពុជា និងក្រសួង​ហិរញ្ញវត្ថុវៀត​ណា​ម លើកិច្ចសហប្រតិបត្តិការ និងការជួយគ្នា ទៅវិញទៅ មកលើការងារគយ ចុះហត្ថលេខា​ដោ​យ​តំ​ណាងក្រសួងសេដ្ឋកិច្ច និងហិរញ្ញវត្ថុប្រទេស ទាំងពីរ។ ទី៤- អនុស្សរណៈនៃការយោគ​យល់​គ្នា ស្តីពីការអភិវឌ្ឍ និងការតភ្ជាប់ហេដ្ឋារចនា សម្ព័ន្ធពាណិជ្ជកម្មតាមតំបន់ព្រំដែន រវាងសាធារ​ណ​រដ្ឋសង្គមនិយមវៀតណាម និងព្រះរាជា ណាចក្រកម្ពុជា។ ទី៥- អនុស្សរណៈ​នៃការយោគ​យ​​ល់គ្នា ស្តីពីវឌ្ឍនភាពលើការសាងសង់ និងផែនការប្រគល់-ទទួលផ្សារគំរូព្រំដែនកម្ពុជា ​(នៅ​ខេ​ត្តត្បូងឃ្មុំ) រវាងក្រសួងឧស្សាហកម្ម និងពាណិជ្ជកម្មវៀតណាម និងក្រសួងពា​ណិ​ជ្ជ​ក​ម្ម​កម្ពុ​ជា​។ ទី៦- អនុស្សរណៈនៃការ យោគយល់គ្នា ស្តីពីកិច្ចសហប្រតិបត្តិការជំរុញពាណិជ្ជកម្ម រវា​ង​​ក្រសួងពាណិជ្ជកម្មកម្ពុជា ជាមួយនិងក្រសួងឧស្សាហកម្មនិងពាណិជ្ជកម្មវៀតណាម  និងទី៧- អនុ​ស្សរណៈនៃការ យោគយល់គ្នា រវាងក្រសួងរ៉ែ និងថាមពលនៃព្រះរាជាណាចក្រកម្ពុជា ជា​មួ​យ និងក្រសួង ឧស្សាហកម្ម និងពាណិជ្ជកម្មវៀតណាម ស្តីពីសហប្រតិបត្តិការលើ​វិស័យ​ថា​ម​ព​លអគ្គិសនី៕

ដោយ ជឹម ណារី