សម្ដេចតេជោនាយករដ្ឋមន្ត្រីអញ្ជើញចូលគាល់ សម្តេចព្រះមហាក្សត្រី ព្រះវររាជមាតាជាតិខ្មែរ

ភ្នំពេញ ថ្ងៃទី០៤ ខែតុលា ឆ្នាំ២០១៩ — នៅលើបណ្ដាញទំនាក់ទំនងសង្គមហ្វេសប៊ុករបស់សម្ដេចតេជោ កាលពីថ្ងៃទី០៣ ខែតុលា ឆ្នាំ​២០​១៩បានសរសេរថា នៅរសៀលថ្ងៃពុធ ៥កើត ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវ​នឹង​ថ្ងៃទី០៣ ខែតុលា ឆ្នាំ២០១៩  សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃ​​ព្រះរាជាណាចក្រកម្ពុជា អញ្ជើញចូលក្រាបថ្វាយបង្គំគាល់ សម្តេចព្រះមហាក្សត្រី នរោត្តម មុ​និ​នាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរ​ព​ស​​ក្ការៈដ៏ខ្ពង់ខ្ពស់បំផុត នៅព្រះរាជដំណាក់គន្ធបុប្ផា ព្រះបរមរាជវាំង។

ក្នុងឱកាសដ៏វិសេសវិសាលនេះ សម្ដេចតេជោនាយករដ្ឋមន្ត្រី បានទូលថ្វាយនូវ​កាក់  ​មា​ស​អនុស្សាវរីយ៍ និងក្រដាសប្រាក់រៀលគំរូថ្មី ថ្វាយសម្តេចព្រះមហាក្សត្រី ព្រះវររាជមាតា​ជាតិ​ខ្មែ​រ​ ជាទីគោរពសក្ការៈដ៏ខ្ពង់ខ្ពស់បំផុត ដែលរាជរដ្ឋាភិបាលកម្ពុជា​បានរៀបចំឡើងដើម្បី​អបអរ​សា​​ទរ​ក្នុងឱកាសដ៏មហានក្ខត្តឫក្សវិសេសវិសាល នៃព្រះរាជពិធីបុណ្យគម្រប់ខួប១៥​ព្រះ​វ​ស្សា នៃការយាងគ្រងព្រះបរមសិរីរាជ្យសម្បត្តិ នៃព្រះករុណា ជាអម្ចាស់ជីវិតលើត្បូង ព្រះបាទ​ស​ម្តេច​ព្រះ​បរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈ​ដ៏​ខ្ពង់ខ្ពស់បំផុត ក្នុងពេលខាងមុខនេះ៕

ដោយ  ជឹម ណារី

ពត៌មានទាក់ទង

ពត៌មានផ្សេងៗ