ភ្នំពេញ ថ្ងៃទី១១ ខែកញ្ញា ឆ្នាំ២០១៩ -របៀបវារៈនៃការធានារបស់រាជរដ្ឋាភិបាលសម្រាប់គម្រោងទិញថាមពលអគ្គិសនីផលិតដោយធ្យូងថ្មចំនួន ២.៤០០មេហ្គាវ៉ាត់ពីប្រទេសឡាវ នឹងត្រូវពិភាក្សា និងអនុម័តក្នុងកិច្ចប្រជុំពេញអង្គណៈរដ្ឋមន្ត្រី នាព្រឹកថ្ងៃពុធ ១៣កើត ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១១ ខែកញ្ញា ឆ្នាំ២០១៩នេះ ក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនា បតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅវិមានសន្តិភាព។
ជាមួយនឹងការពិភាក្សា និងអនុម័តការធានារបស់រាជរដ្ឋាភិបាលសម្រាប់គម្រោងទិញថាមពលអគ្គិសនីផលិតដោយធ្យូងថ្មចំនួន ២.៤០០មេហ្គាវ៉ាត់ ពីប្រទេសឡាវនេះដែរគណៈរដ្ឋមន្ត្រីក៏នឹងលើកសំណើសុំការយល់ព្រមពីគណៈរដ្ឋមន្ត្រី ដើម្បីសុំការអនុម័តយល់ព្រមពីស្ថាប័ននីតិប្បញ្ញត្តិ លើកិច្ចព្រមព្រៀងអាស៊ាន ស្ដីពីពាណិជ្ជកម្មតាមប្រព័ន្ធអេឡិចត្រូនិច និងកិច្ចព្រមព្រៀង ស្ដីពីការបង្កើតក្របខ័ណ្ឌសម្ព័ន្ធភាពថាមពលព្រះអាទិត្យអន្តរជាតិផងដែរ៕