អង្គការសុខភាពពិភពលោក(WHO)ប្រចាំតំបន់អាស៊ីប៉ាស៊ីហ៊្វិកមានជំនឿថាកម្ពុជា នឹងជម្នះបាននូវរាល់ជំងឺនានាសម្រាប់សុខុមាលភាពរបស់ប្រជាជន

25

ភ្នំពេញ ថ្ងៃទី២៦ ខែសីហា ឆ្នាំ២០១៩ — ឯកឧត្ដម វេជ្ជបណ្ឌិត Takeshi Kasai នាយកអង្គការសុខភាពពិភពលោក​(WHO)ប្រចាំ តំបន់​អាស៊ី​ប៉ា​ស៊ីហ៊្វិកមានជំនឿជឿជាក់ថា កម្ពុជានឹងអាចឆ្លងផុត និងអាចទទួលបានជោគ ជ័យលើជំងឺ នា​​ពេលអន្តរកាលរបស់កម្ពុជា សម្រាប់សុខុមាលភាពនៃការស់នៅដ៏ល្អប្រសើរ របស់ប្រជាជន ជា​​មួយនឹ​ង​គោលដៅអភិវឌ្ឍន៍ជាតិដោយចីរភាព ក្រោមការដឹកនាំដ៏ឈ្លាសវៃ របស់​សម្ដេចអគ្គ មហាសេនាបតីតេ​ជោ ហ៊ុន សែន នា​យ​ក​រដ្ឋមន្ត្រី នៃព្រះរាជាណាចក្រកម្ពុជា ដែលជាមូល ដ្ឋានសម្រាប់ការអភិវឌ្ឍកម្ពុជានោះ។

ឯកឧត្ដម អ៊ាង សុផល្លែត ជំនួយការសម្ដេចតេជោ បានថ្លែងដូច្នេះ​ប្រាប់អ្នកយក​ព័ត៌​មា​ន​ បន្ទាប់ពីសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណា​ចក្រ​ក​ម្ពុ​​ជា បានអនុញ្ញាតឱ្យ ឯកឧត្ដម វេជ្ជបណ្ឌិត Takeshi Kasai នាយកអង្គការសុខភាព​ពិភព​លោ​ក​​(WHO)ប្រចាំតំបន់​អាស៊ី​ប៉ា​ស៊ីហ៊្វិក ចូលជួបសម្ដែងការគួរសម និងពិភាក្សាការងារនាព្រឹកថ្ងៃ ចន្ទ ១១រោច ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹង​ថ្ងៃ​ទី​២៦ ខែសីហា ឆ្នាំ២០១៩ នេះ នៅវិមានសន្តិភាព។

វេជ្ជបណ្ឌិត Kasai បានគោរពជម្រាប​ជូន​ស​ម្ដេ​​ចតេជោនាយករដ្ឋមន្ត្រីថា ឯកឧត្ដមបាន មកកាន់កម្ពុជាកាលពីគ្រាមុនក្នុងទសវត្ស៍ឆ្នាំ២០០​០​ជាង ប៉ុន្តែនៅពេលដែលឯកឧត្ដមមកដល់ ពេលនេះ ឯកឧត្ដម​ក៏បានសង្កេតឃើញថា ​កម្ពុជា​មានការអភិវឌ្ឍយ៉ាងឆាប់រហ័ស និងជឿន លឿនជាទីបំផុត។

ឯកឧត្ដមក៏បានគោរពថ្លែង​អំណរ​គុ​ណជូនចំពោះសម្ដេចតេជោ ចំពោះការរីកចម្រើន ការវិវឌ្ឍនិងវឌ្ឍនភាពរបស់កម្ពុជា។ ឯក​ឧ​ត្ដ​ម​មានប្រសាសន៍ថា រាល់ជោគជ័យដែលកម្ពុជា ទទួលបាននេះ​ ជាពិសេសក្នុងការទទួល​បា​ន​សម្រេចនូវគោលដៅ ការអភិវឌ្ឍដោយចីរភាព ហើយតាមរយៈនេះដែរ​ប្រជាជន​កម្ពុជា​នៅ​ពេលនេះមានអាយុវែងជាងកាលពីទសវត្សរ៍មុនៗ។

ឯកឧត្ដមបានជម្រាបជូនសម្ដេច​តេ​ជោ​​ថា ឥឡូវនេះយើងកំពុងតែស្ថិតនៅដំណាក់កាល អន្តរកាល​មួយ ឆ្លងកាត់​ពីការ​ដោះ​ស្រា​យ​ប​ញ្ហាជំងឺរាតត្បាតបែបបុរាណមកជំងឺសម័យ នោះ សោត គឺយើងឈានមកប្រជាជន​មានជំងឺ​ ដូ​ចជា ជំងឺទឹកនោមផ្អែម ជំងឺលើសឈាមជាដើម។ លើសពីនោះទៀតជំងឺ​ដែលមាន​ចរិត​ពិបា​ក​ព្យា​​បាលជាមុន ដូចជាជំងឺប៉េស្តជ្រូក និងជំងឺដទៃៗ ទៀត។ ក្នុងន័យនេះឯកឧត្ដមក៏បានគោរព​ជម្រាប​ជូនសម្តេចតេជោថា អង្គការ WHO  មានជំ នឿជឿជាក់លើកម្ពុជាជាមួយនឹងគោលដៅ​អ​ភិ​វឌ្ឍន៍ជាតិដោយចីរភាព នឹងការដឹកនាំដ៏ឈ្លាស វៃរបស់សម្ដេច គឺជាមូលដ្ឋាន​ស​ម្រា​ប់​ការ​អ​ភិ​វឌ្ឍន៍កម្ពុជានោះ កម្ពុជានឹងអាចឆ្លងផុតនិងអាច ទទួលបានជោគជ័យលើជំងឺ នាពេល​អ​ន្តរ​កា​ល​នេះ។

ជាការឆ្លើយតបសម្ដេចតេជោនាយករដ្ឋមន្ត្រី បានសម្តែងនូវការអបអរសាទរ​ជូន​ចំពោះ​វេជ្ជ​បណ្ឌិត Kasai ដែលត្រូវបានតែងតាំង ទទួលតំណែងថ្មីជានាយកអង្គការWHO​នៅតំបន់​អា​ស៊ីប៉ាស៊ីហ៊្វិកនេះ។ សម្ដេចតេជោបានសម្តែងនូវការសប្បាយរីករាយ ​ដែលបានធ្វើជាដៃគូដ៏​ល្អ​ជា​មួយនឹងអង្គការWHO ក៏ដូចជាកិច្ចសហប្រតិបត្តិការល្អទទួលបានពីប្រទេសជិតខាង ដែល តា​មរយៈ​នេះហើយ កម្ពុជាបានទប់ស្កាត់ និងទទួលបានជោគជ័យយ៉ាងច្រើនពាក់ព័ន្ធទៅ​នឹង ​ប​ញ្ហា​​ជំងឺដែលមានចរិតជាប្រពៃណី ដែលរួមមានជំងឺស្វិតដៃជើង ជំងឺកញ្ជ្រិល ជំងឺតេតាណូស ជំ​ងឺសារ ជំងឺគ្រុនផ្ដាសាយបក្សី ហើយពាក់ព័ន្ធនឹងជំងឺអេដស៍ កម្ពុជាក៏បានធ្វើការ​ទប់ស្កា​ត់​បា​ន​​ជោគជ័យ ពុំមានការរីករាលដាល ហើយក៏មានការថយចុះផងដែរ។ ជាងនេះទៀតពា​ក់​ព័​ន្ធ​នឹង​ជំងឺសម័យថ្មីនេះ កម្ពុជាកំពុងតែសហការយ៉ាងល្អ សកម្មជាមួយនឹងអង្គការWHO ក៏ដូចជា ជា​មួយនឹងបណ្ដាប្រទេសដទៃទៀត ដើម្បីដាក់ចេញវិធានការទប់ស្កាត់ការពារកុំឱ្យជំងឺនេះ រី​ក​រា​លដាល ឬនាំមកបញ្ហាដល់ប្រជាជនកម្ពុជា ក៏ដូចជារីករាលដាល​ដល់ប្រទេស​ដទៃ​ទៀ​ត​ផងដែរ។

សម្ដេចតេជោថ្លែងបន្តថា ជាមួយគ្នានោះកម្ពុជាក៏មានទិសដៅផងដែរថា នៅ​ក្នុង​ឆ្នាំ​ ២០២៥ នេះដាក់ចេញនូវកម្មវិធីសុខភាព ធ្វើយ៉ាងណាបញ្ចប់នូវជំងឺគ្រុនចាញ់នៅកម្ពុជា ហើយ​ជា​មួយនេះដែរ ក៏មានមហិច្ឆតាធ្វើយ៉ាងណាប្រែក្លាយកម្ពុជាឱ្យទៅ​ជាប្រទេសមួយ​ ដែល​មិ​ន​មា​ន​ផ្សែងបារីផងដែរ។ ជាមួយនេះដែរសម្ដេចតេជោក៏បានជម្រាបជូន​វេជ្ជបណ្ឌិត Kasai ផងដែរ ថា កម្ពុជាកំពុងតែអនុវត្តន៍នូវកម្មវិធីសន្តិសុខសង្គម ជួយដល់ស្ត្រីដែលមានផ្ទៃពោះ​ដែល​មា​ន ជីវភាពក្រីក្រ។ក្នុងនោះកម្ពុជាគឺបាននិងកំពុងតែផ្ដល់នូវប្រាក់ឧបត្ថម្ភ ដល់ស្ត្រីដែលមានផ្ទៃ ពោះ តាំ​ង​ពីពេលចាប់ផ្ដើមមានផ្ទៃពោះរហូតដល់កូនមានអាយុ២ឆ្នាំ។ ដោយឡែកកម្មការិនី នៅ តាម​រោ​ង​​ចក្រវិញ​មានកម្មវិធីជួយឱ្យកម្មការិនីបានឈប់សម្រាករយៈពេល ៣ខែដោយ បានទទួល​នូវ​ប្រា​ក់​​ខែ ១២០ភាគរយ នៃប្រាក់ខែដែលត្រូវបានបើកផ្ដល់។ ជាងនេះទៀតរាជ រដ្ឋាភិបាល​ក៏បាន​ឧប​ត្ថម្ភ​ប្រា​​ក់ចំនួន ១០០ដុល្លារអាម៉េរិក ដល់ស្ត្រីកម្មការិនីដែលមានកូន ១ និង ២០០ដុល្លារអាម៉េរិក​ ដ​ល់​កម្មការិនីដែលមានកូនភ្លោះ២ ។ នេះជាកម្មវិធីសន្តិសុខសង្គម ដែលកម្ពុជាកំពុងតែជំរុញ ហើយ​តា​មរយៈកម្មវិធី​នេះរាជរដ្ឋាភិបាលសង្ឃឹមថា នឹងកាត់បន្ថយ មិនឱ្យមានជំងឺរាតត្បាត​ដល់ប្រ​ជា​ជន​កម្ពុជា ព្រោះថា បើប្រជាជនមានអាហារូបត្ថម្ភល្អ​ហើយ ជំងឺរាតត្បាតក៏វាត្រូវកាត់​បន្ថយផង​ដែ​រ ៕

ដោយជឹម ណារី