សម្ដេច​តេជោ ហ៊ុន សែន អញ្ជើញ​​ចូលរួម​​ក្នុង​ពិធីបើ​ក​កិច្ច​ប្រជុំ​កំ​ពូល​អាស៊ាន​លើក​ទី៣០ (30th ASEAN Summit) នៅប្រទេស​ហ្វីលីពីន

152

នៅព្រឹកថ្ងៃទី២៩ ខែមេសា ឆ្នាំ២០១៧នេះ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចូល​រួមក្នុងពិធីបើក កិច្ចប្រជុំកំពូលអាស៊ានលើកទី៣០ ដែលធ្វើឡើងនៅក្នុង Philippines International Convention Center (PICC) ទីក្រុងម៉ានីល ប្រទេសហ្វីលីពីន។

នៅក្នុងការ​អញ្ជើញម​កដល់របស់ សម្ដេចតេជោ​នាយករដ្ឋមន្រ្តី ព្រឹកនេះត្រូវបានទទួលស្វាគមន៍យ៉ាងកក់ក្ដៅពី ឯកឧត្តម ប្រធានា​ធិបតីហ្វីលីពីន Rodrigo Duterte ដែលជាប្រធាន នៃកិច្ចប្រជុំកំពូលអាស៊ានឆ្នាំ២០១៧នេះ។ នៅក្នុងពិធីបើក​កិច្ចប្រជុំកំពូល​អាស៊ាន​ មានការ​អញ្ជើញចូលរួម​ពីសំណាក់ប្រមុខរដ្ឋ រដ្ឋាភិបាល​ អគ្គលេខាធិការ​អាស៊ាន​ មន្ត្រីអាស៊ាន​ សមាជិកគណ:ប្រតិភូ​ និងភ្ញៀវកិត្តិយសជាច្រើនរូប។​

ឯកឧត្តម ​ប្រធានាធិបតី​ Rodrigo Duterte​ ប្រធានអាស៊ានបានអានសន្ទរកថាស្វាគមន៍បើកកិច្ចប្រជុំ​កំពូល ហើយនៅក្នុងនោះក៏មានការសម្ដែងរបាំសិល្បៈ ចម្រៀង អាស៊ាន ដោយសិល្បករ សិល្បការិនីល្បីៗ ជាច្រើនមកពីបណ្ដារប្រទេសអាស៊ាន និងបន្ទាប់មកមានពិធីថតរូបអនុស្សាវរីយ៍រវាងថ្នាក់ដឹកនាំអាស៊ាន និងភរិយាផងដែរ។

បន្ទាប់ពិធីបើកកិច្ចប្រជុំកំពូលជាផ្លូវការរួចហើយ សម្ដេចតេជោ ហ៊ុន សែន កំពុងអញ្ជើញចូលរួមកិច្ចប្រជុំពេញអង្គជាមួយបណ្ដាមេដឹកនាំអាស៊ានទាំងអស់។