ប្រមុ​ខ​រាជរដ្ឋា​ភិបាលក​​ម្ពុជា អញ្ជើញចា​ក​ចេញ​ពីមាតុប្រទេស​​ទៅកាន់​​ប្រទេស​ហ្វីលីពីន ដើម្បី​ចូល​រួមកិ​​ច្ចប្រជុំកំពូល​អាស៊ាន លើកទី៣០

106

សម្តេច​អគ្គមហា​សេនា​បតី​តេជោ ហ៊ុន សែន នាយក​រដ្ឋ​មន្ត្រី​ នៃ​​ព្រះរាជា​ណាចក្រ​កម្ពុជា រួមនិង​គណៈប្រតិភូ​ជាន់ខ្ពស់នៃរាជ​រដ្ឋាភិបាល នាព្រឹកថ្ងៃ​​ទី២៨ ​ខែ​មេសានេះ បានធ្វើ​ដំណើរ​​ចាក​ចេញពី​មាតុ​ប្រទេស ទៅកាន់​​សាធារណៈ​រដ្ឋហ្វីលីពីន ដើម្បីចូល​រួមកិច្ច​ប្រជុំ​​កំពូល​​អាស៊ាន លើក​ទី៣០ ដែល​នឹង​ប្រព្រឹត្តទៅ នាថ្ងៃទី២៩ ខែមេសា ឆ្នាំ២០១៧។

គណៈប្រតិភូ​អមដំណើរ សម្តេច​តេជោ​នាយករដ្ឋមន្ត្រី ទៅកាន់់ប្រទេស​ហ្វីលីពីន​នេះ រួមមាន៖ ឯកឧត្តម ទេសរដ្ឋមន្ត្រី ប្រាក់ សុខុន រដ្ឋមន្ត្រី​ក្រសួង​ការ​បរទេស និងសហប្រតិ​បត្តិការអ​ន្តរជាតិ​ ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា​ ឯកឧត្តម ប៉ាន សូរស័ក្តិ រដ្ឋមន្ត្រីក្រសួង​ពាណិជ្ជកម្ម រួមនិង​សមាជិក​រាជរដ្ឋាភិបាលក​ម្ពុជាមួយចំនួន​ទៀត។   ការធ្វើដំណើរទៅ​កាន់ទីក្រុ​ងម៉ានីល នៃប្រទេសហ្វី​លីពីន​នេះ គឺតបតាម​ការ​អញ្ជើញ​​របស់ឯ​កឧត្តម រ៉ូឌ្រីហ្គោ រ៉ូ ឌូតឺតេ ប្រធា​នា​ធិបតី នៃសាធារណរដ្ឋ​ហ្វីលីពីន។​

តាមការបញ្ជាក់រ​បស់ ឯកឧត្តម ស៊្រី ថាមរ៉ុង្គ រដ្ឋមន្ត្រីប្រតិភូ​អមនាយក​រដ្ឋមន្ត្រី នៅអាកាសយានដ្ឋា​នអន្តរ​ជាតិភ្នំពេញ គឺ កិច្ចកំពូល​អាស៊ាន​លើក​ទី៣០​នេះ ក្រោម​ប្រធានប​ទ​«រួមគ្នាជាដៃ​គូដើម្បី​ធ្វើការ​ផ្លាស់ប្តូរ រួមចំណែកជា​មួយ​ពិភពលោក» ដែលមេ​ដឹក​​នាំ​​អាស៊ាននឹង ធ្វើការពិភាក្សា​ផ្លាស់ប្តូរ​ទស្សនៈលើបញ្ហា​ជាសារវ័ន្ត​នានា ដែលអាស៊ាន​ និងពិភពលោក​​កំពុងប្រ​ឈម​មុខ    ដើម្បី​​លើក​​តម្កើង     ​សន្តិ​ភាព សន្តិសុខ និងវិបុលភាព​ថែម​ទៀត សំរាប់តំ​បន់ និង​ពិភពលោក។    ក្នុងក្របខណ្ឌ នៃកិច្ចប្រជុំកំពូលអា​ស៊ាន​លើកទី​៣០​នេះដែរ ប្រមុខរាជរដ្ឋា​ភិបាលកម្ពុជា ក៏នឹង ​ចូលរួម​ក្នុងជំនួប​រវាង​ថ្នាក់ដឹក​នាំ​​អាស៊ានជាមួយតំ​ណាងអ​ន្តរសភា​អាស៊ាន និងជំនួប​រវាងថ្នាក់​ដឹកនាំ​អាស៊ាន​​ជាមួយ​តំណាង​យុវជន​អាស៊ាន​ផងដែរ។

គួរកត់​សំគាល់ថា ក្នុងឋានៈ​អាស៊ាន​ជាអង្គការ​តំបន់ដ៏​មានជោគជ័យ អាស៊ានក៏មា​នតួនាទី និងការទ​ទួលខុស​ត្រូវកាន់តែ​ធំឡើង ទៅលើបញ្ហា​ផ្សេងទៀតដូ​ចជាសេដ្ឋកិច្ច និងនយោបាយ ជាដើម​​ដែលស្ថិត​នៅក្រៅតំ​បន់ផង​ដែរ។ ជាក់ស្តែង សភាពការណ៍នៅ​មជ្ឈឹម​បូព៌ា និងឧបទ្វីបកូរ៉េ ក៏ដូចជានៅលើ​ពិភពលោក រួមទាំងសុខភាព​សេដ្ឋកិច្ច​ពិភព​លោក គឺជា​ការព្រួយ​បារម្ភខ្លាំង​បំផុត​​របស់អាស៊ាន៕