សម្ដេចតេជោ ហ៊ុន សែន អញ្ជើញទៅជួបចរចាជាមួយនាយករដ្ឋមន្ត្រីឡាវ អំពីបញ្ហាព្រំដែននៅទីក្រុងវៀងចន្ទន៍

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់ ដើម្បីជួបចរចាក្នុងលក្ខណៈជាអ្នកជិតខាង ជាមួយឯកឧត្ដម ថោងលន់ ស៊ីសូលីត នាយករដ្ឋមន្ត្រីនៃសាធារណរដ្ឋប្រជាធិបតេយ្យប្រជាមានិតឡាវ អំពីបញ្ហាព្រំដែនរវាងប្រទេសទាំងពីរ និង ស្នើឱ្យរដ្ឋាភិបាលឡាវដកកងកម្លាំងប្រដាប់អាវុធទាំងអស់របស់ខ្លួន ចេញពីតំបន់អូអាឡៃ និងតំបន់អូរតាង៉ាវ ស្រុកសៀមប៉ាង ខេត្តស្ទឹងត្រែង ជាប់ព្រំដែននៃខេត្តអាតាពើ ប្រទេសឡាវ។