នៅក្នុងឱកាសអញ្ជើញជាអធិបតី «ទិវាជាតិប្រឆាំងការជួញដូរមនុស្ស» ដែលប្រារព្ធនៅកោះពេជ្រ នៅព្រឹកថ្ងៃទី១២ ខែធ្នូ ឆ្នាំ២០២៤ សម្តេចធិបតី ហ៊ុន ម៉ាណែត បានថ្លែងថា ក្រសួងមាហាផ្ទៃ ក្រសួងការងារ ក្រសួងការបរទេស បានដោះស្រាយការងារនៅតាមប្រទេសមួយចំនួនបានទាន់ពេលវេលា ព្រមទាំងធ្វើការសម្របសម្រួល និងអន្តរាគមន៍ ទាំងទិដ្ឋភាពច្បាប់ ទិដ្ឋភាពបច្ចេកទេស និងទិដ្ឋភាពមនុស្សធម៌ បានទាន់ពេលវេលាផងដែរ។
សម្តេចធិបតី ហ៊ុន ម៉ាណែត បានថ្លែងបន្តថា យើងត្រូវរួមគ្នាបង្ការតាមរយៈការអប់រំបណ្តុះបណ្តាល ផ្សព្វផ្សាយអោយគ្រួសារដឹង ឪពុកម្តាយដឹង សាមីខ្លួនដឹង អំពីហានិភ័យនៃការចាញ់បោកគេ។
ទន្ទឹមនេះដែរ សម្តេចធិបតី ហ៊ុន ម៉ាណែត បានថ្លែងថា ការឆ្លើយតប ការគ្រប់គ្រង និងការដោះស្រាយចំពោះការឆ្លៀតឱកាសកេងចំណេញអំពីការជួញដូរមនុស្សយើងត្រូវសហការគ្នា រួមទាំងការពង្រឹងយន្តការអនុវត្តច្បាប់ ការរៀបចំច្បាប់ និងការរៀបចំពង្រឹងនូវបច្ចេកវិទ្យាផងដែរ៕
