នៅក្នុងសន្និសីទស្តីពី សមិទ្ធផលរយៈពេល១ឆ្នាំ រាជរដ្ឋាភិបាល នីតិកាលទី៧ នៃរដ្ឋសភា ដឹកនាំដោយសម្តេចធិបតី ហ៊ុន ម៉ាណែត នៅព្រឹកថ្ងៃទី១៩ ខែសីហា ឆ្នាំ២០២៤ ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល បានថ្លែងថា ប្រពៃណីដ៏ល្អបំផុតមួយរបស់គណបក្សប្រជាជនកម្ពុជា គឺស្ថិតនៅជិតប្រជាពលរដ្ឋ ដឹងសុខទុក្ខប្រជាពលរដ្ឋគ្រប់កាលៈទេសៈ ហើយដោយសារតែប្រពៃណីនេះហើយ ទើបគណបក្សប្រជាជនក្លាយទៅជាជម្រើសល្អបំផុតតែមួយគត់របស់ប្រជាពលរដ្ឋនៅរាល់ការបោះឆ្នោតរៀងរាល់អាណត្តិ។
ឯកឧត្តម ប៉ែន បូណា បានគូសបញ្ជាក់ថា ការចុះជួបប្រជាពលរដ្ឋនោះទៀតសោត គឺមិនមែនទៅគ្រាន់តែចង់បង្ហាញមុខធ្វើប្រជាភិថុតិដូចការចោទប្រកាន់ពីមជ្ឈដ្ឋានខ្លះទេ តែដើម្បីសិក្សាស្វែងយល់និងផ្តល់សមិទ្ធផលនានា និងដោះស្រាយបញ្ហាជូនប្រជាពលរដ្ឋ៕
