នៅក្នុងសន្និសីទស្តីពី សមិទ្ធផលរយៈពេល១ឆ្នាំ រាជរដ្ឋាភិបាល នីតិកាលទី៧ នៃរដ្ឋសភា ដឹកនាំដោយសម្តេចធិបតី ហ៊ុន ម៉ាណែត នៅព្រឹកថ្ងៃទី១៩ ខែសីហា ឆ្នាំ២០២៤ ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល បានថ្លែងថា រាជរដ្ឋាភិបាលដឹកនាំដោយគណបក្សប្រជាជនកម្ពុជា មានភាពរឹងមាំខ្លាំងណាស់ទប់ទល់គ្រប់ឧបាយកលដែលចង់បំផ្លាញសេចក្តីសុខ សន្តិភាព ស្ថិរភាពនយោបាយដើម្បីសេចក្តីសុខរបស់ប្រជាជន។
ឯកឧត្តម ប៉ែន បូណា បានគូសបញ្ជាក់ថា រាជរដ្ឋាភិបាល ឈរយ៉ាងរឹងមាំក្នុងការការពារសុខសន្តិភាព ស្ថិរភាពនយោបាយ អធិបតេយ្យភាពជាតិ បូរណភាពទឹកដី ជាក់ស្តែងដូចពេលថ្មីៗនេះ មានចលនាប៉ុនប៉ងផ្តួលរំលំរាជរដ្ឋាភិបាលដែលបង្កឡើងដោយក្រុមប្រឆាំងជ្រុលនិយម ប៉ុន្តែពួកគេមិនអាចធ្វើទៅរួចនោះទេ។
ឯកឧត្តម ប៉ែន បូណា ក៏បានគូសបញ្ជាក់ថា ពួកប្រឆាំងជ្រុលនិយម កុំចង់សាកល្បងប្រឆាំងសន្តិភាព ប្រឆាំងស្ថិរភាពនយោបាយឱ្យសោះព្រោះមិនអាចធ្វើទៅរួចទេ ដោយសាររាជរដ្ឋាភិបាលឈរការពារយ៉ាងរឹងមាំដើម្បីសេចក្តីសុខរបស់ប្រជាជន៕
