សម្តេចធិបតី ហ៊ុន ម៉ាណែត បានចោទជាសំនួរថា តើការអនុវត្តគោលនយោបាយភូមិ-ឃុំមានសុវត្ថិភាពកន្លងមក សម្រេចបាន១០០% ហើយឬនៅ? ចម្លើយគឺ នៅទេ។ ប៉ុន្តែវាគឺជាទិសដៅរបស់រាជរដ្ឋាភិបាល ក្នុងការខិតខំប្រឹងប្រែងដាក់ចេញវិធានការជាប់ជាប្រចាំដើម្បីឈានទៅសម្រេចបានភារកិច្ចជាអតិបមាជូនប្រជាពលរដ្ឋ។
សម្តេចធិបតី បានថ្លែងបន្តថា រាជរដ្ឋាភិបាល បានផ្តោតការយកចិត្តទុកដាក់ជាអាទិភាពទាំងទៅលើការផ្តល់សេវា ទាំងការថែរក្សាសន្តិភាព ស្ថិរភាពសង្គម និងបានដាក់ចេញនូវវិធានការជាបន្តបន្ទាប់ ដើម្បីទប់ស្កាត់និងបង្ក្រាបសកម្មភាពក្មេងទំនើង ករណីល្បែងស៊ីសង ករណីគ្រឿងញៀនផងដែរ។
សម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងដូចនេះ នៅថ្ងៃទី១៥ ខែសីហា ឆ្នាំ២០២៤ ក្នុងឱកាសអញ្ជើញជួបសំណេះសំណាលជាមួយអាចារ្យ អាចារិនីលើកទី៩ នៅវិទ្យាស្ថានជាតិអប់រំ ក្នុងរាជធានីភ្នំពេញ៕
