សម្តេចធិបតី ហ៊ុន ម៉ាណែត ថ្លែងអំណរគុណប្រជាពលរដ្ឋទូទាំងប្រទេសដែលបានអបអរសាទរពិធីបើកការដ្ឋានព្រែកជីកហ្វូណនតេជោ

ក្នុងពិធីប្រគល់សញ្ញាបត្រជូនដល់និស្សិត នៃសាកលវិទ្យាល័យ ពុទ្ធិសាស្ត្រ នៅព្រឹកថ្ងៃទី៦ ខែសីហា ឆ្នាំ២០២៤ សម្តេចធិបតី ហ៊ុន ម៉ាណែត បានថ្លែងអំណរគុណដល់ប្រជាពលរដ្ឋទូទាំងប្រទេសដែលបានអបអរសាទរពិធីបើកការដ្ឋានព្រែកជីកហ្វូណនតេជោ ដែលបង្ហាញពីស្មារតីរួមសាមគ្គីគ្នា។

សម្តេចធិបតី ហ៊ុន ម៉ាណែត បានគូសបញ្ជាក់ថា គម្រោងព្រែកជីកហ្វូណនតេជោនេះ មិនមែនគ្រាន់តែជាគម្រោងហេដ្ឋារចនាសម្ព័ន្ធធម្មតានោះទេ ប៉ុន្តែគឺជានិមិត្តរូបនៃការរួមគ្នារបស់ជាតិខ្មែរយើង។

សម្តេចធិបតី ហ៊ុន ម៉ាណែត ក៏បានគូសបញ្ជាក់ថា ការរួមសាមគ្គីរបស់ប្រជាពលរដ្ឋជុំវិញគម្រោងព្រែកជីកហ្វូណនតេជោ បង្ហាញពីក្តីសង្ឃឹមនិងភាពជឿជាក់ចំពោះការកសាងនូវសក្តានុពលដើម្បីពង្រឹងនូវឯករាជ្យភាព កិត្យានុភាពជាតិ និងអធិបតេយ្យភាពរបស់ប្រជាជន៕