សម្តេចតេជោ ហ៊ុន សែន៖ ក្នុងរយៈពេល២៦ឆ្នាំ កម្ពុជាបានអភិវឌ្ឍក្នុងល្បឿនមួយយ៉ាងលឿន ក្រោមកិច្ចសហការនិងសម្របសម្រួលជាមួយប្រទេសចិននិងវៀតណាម

ក្នុងឱកាសអញ្ជើញថ្លែងសារពិសេសទាក់ទិនទៅនឹងក្របខ័ណ្ឌកិច្ចសហប្រតិបត្តិការអភិវឌ្ឍន៍ តំបន់ត្រីកោណ កម្ពុជា-ឡាវ-វៀតណាម (CLV DTA) នៅរសៀលថ្ងៃទី២៣ ខែកក្កដា ឆ្នាំ២០២៤ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានថ្លែងថា ក្នុងរយៈពេល២៦ឆ្នាំមកនេះ កម្ពុជាបានអភិវឌ្ឍខ្លួនក្នុងល្បឿនមួយយ៉ាងលឿន ក្រោមកិច្ចសហការនិងសម្របសម្រួលជាមួយប្រទេសចិននិងវៀតណាម។

សម្តេចតេជោ ហ៊ុន សែន បានគូសបញ្ជាក់ថា ប្រទេសចិននិងវៀតណាម បានជួយតភ្ជាប់តំបន់នៃខេត្តទាំង៤ របស់កម្ពុជា ដើម្បីជំរុញការអភិវឌ្ឍនៅតំបន់នេះថែមទៀត ហើយកម្ពុជា មានគោលដៅបង្កើតតំបន់សេដ្ឋកិច្ចពិសេសនៅព្រំដែនកម្ពុជា-វៀតណាម ត្រង់ចំណុចខេត្តក្រចេះផងដែរ៕