សម្តេចតេជោ ហ៊ុន សែន៖ ក្រសួងស្ថាប័នពាក់ព័ន្ធត្រូវរឹតបន្តឹងក្រមសីលធម៌លើការប្រើប្រាស់បណ្តាញសង្គម

នៅក្នុងកិច្ចប្រជុំជាមួយប្រតិភូក្រុមប្រឹក្សាជាតិកម្ពុជាដើម្បីស្ត្រី ថ្ងៃទី១៤ ខែសីហា ឆ្នាំ២០២៦ សម្ដេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានណែនាំដល់ក្រសួងព័ត៌មានត្រូវមើលឱ្យច្បាស់ តាមឱ្យជាប់ ខណៈសម្ដេចមើលឃើញថា នៅមានភាពធូរលុងខ្លាំងណាស់ចំពោះក្រមសីលធម៌លើការប្រើប្រាស់ហ្វេសប៊ុក តិកតុក និង AI ។

ជាមួយគ្នានេះដែរ សម្ដេចតេជោ ហ៊ុន សែន បានណែនាំដល់ស្ថាប័នជាតិ ក្រសួងពាក់ព័ន្ធ ត្រូវចាត់វិធានការភ្លាមចំពោះជនទាំងឡាយណាបំផ្លាញសេចក្ដីថ្លៃថ្នូរ សីលធម៌សង្គមរបស់ខ្មែរ។

សម្ដេចតេជោ ហ៊ុន សែន ក៏បានអំពាវនាវជាថ្មីដល់ក្រុមគ្រួសារ ឬដៃគូស្នេហា ដែលបែកបាក់គ្នា សូមកុំហែកកេរ្តិ៍គ្នាបង្ហាញតាមបណ្ដាញសង្គម គួរទុកកិត្តិយសដល់ខ្លួនឯង គ្រួសារ ពិសេសគឺកិត្តិយសរបស់កូន៕