មន្ត្រីជំនាញ(CMAC)៤រូបបានផ្តល់ការហ្វឹកហ្វឹនជំនាញបោសសម្អាតមីនដល់យោធាចារ្យវិស្វកម្មនៃកងទ័ពកូឡំប៊ី

យោងតាមការបង្ហោះផ្សាយនៅក្នុងបណ្តាញសង្គមនៅរសៀលថ្ងៃទី១៥ ខែសីហា ឆ្នាំ២០២៥ របស់ឯកឧត្តម ហេង រតនា ប្រតិភូរាជរដ្ឋាភិបាលទទួលបានបន្ទុកជាអគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជា (CMAC) បានឱ្យដឹងថា នៅប្រទេសកូឡុំប៊ីចាប់ពីថ្ងៃទី២១ ខែកក្កដា ឆ្នាំ២០២៥ ដល់ថ្ងៃទី១៥ ខែសីហា ឆ្នាំ២០២៥ មន្ត្រីជំនាញសកម្មភាពកម្ចាត់មីនរបស់អង្គភាពCMACចំនួន៤រូប បានបំពេញបេសកកម្មផ្តល់ការហ្វឹកហ្វឹនជូនយោធាចារ្យវិស្វកម្មជំនាញបោសសម្អាតមីននៃកងទ័ពកូឡំប៊ី។

ការហ្វឹកហ្វឺននេះទទួលបានការគាំទ្រពីរដ្ឋាភិបាលជប៉ុនជូនរដ្ឋាភិបាលកូឡំប៊ីក្នុងរយៈពេល៣ឆ្នាំ(២០២៥-២០២៧) ដែលផ្តល់សហការជាមួយអង្គភាព CMAC។

សូមបញ្ជាក់ថា អង្គភាពCMAC បានផ្តល់ការហ្វឹកហ្វឺនជូនកងទ័ពកូឡំប៊ីទាំងនៅកម្ពុជានិងនៅឯប្រទេសកូឡុំប៊ីលើជំនាញបោសសម្អាតមីននេះបានចំនួនជិត២០០នាក់ហើយ៕

4 CMAC experts on mission to the Republic of Colombia by providing training to the Colombian mine action experts. This training is supported by the Government of Japan to the Government of the Republic of Colombia for a 3-year period (2025-2027). It is vital to note that through this form of technical cooperation, CMAC has already provided trainings to Colombian Demining experts both in Cambodia and Colombia with total over 200 experts.