សម្តេចតេជោ ហ៊ុន សែន ប្រកាសមិនអត់ឱនឱ្យអ្នកដែលមួលបង្កាច់សភាពការណ៍ និងចោទមេដឹកនាំកម្ពុជាថា កាត់ដី៤ខេត្តឱ្យវៀតណាមនោះឡើយ

ក្នុងឱកាសអញ្ជើញថ្លែងសារពិសេសទាក់ទិនទៅនឹងក្របខ័ណ្ឌកិច្ចសហប្រតិបត្តិការអភិវឌ្ឍន៍ តំបន់ត្រីកោណ កម្ពុជា-ឡាវ-វៀតណាម (CLV DTA) នៅរសៀលថ្ងៃទី២៣ ខែកក្កដា ឆ្នាំ២០២៤ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានថ្លែងថា អ្នកដែលមួលបង្កាច់សភាពការណ៍ និងចោទមេដឹកនាំកម្ពុជាថា កាត់ដី ៤ខេត្តឱ្យវៀតណាម នឹងត្រូវទទួលខុសត្រូវចំពោះមុខច្បាប់ ដោយគ្មានការលើកឡើងជាដាច់ខាត។

សម្តេចតេជោ ហ៊ុន សែន បានគូសបញ្ជាក់ថា សម្រាប់អ្នកដែលនៅក្នុងប្រទេសដែលបំភ្លៃព័ត៌មាន នឹងត្រូវប្រឈមមុខចំពោះផ្លូវច្បាប់ ហើយអ្នកនៅក្រៅប្រទេសដែលធ្វើការញុះញង់នោះ ត្រូវដឹងថា ការញុះញង់និងការបំភ្លៃរបស់ខ្លួន បានបង្កឱ្យអ្នកនៅក្នុងស្រុកជាប់គុកច្រវ៉ាក់៕