ថ្នាក់ដឹកនាំរាជរដ្ឋាភិបាល និងបណ្តាក្រសួង ស្ថាប័ន អង្គភាពនានា អញ្ជើញថ្វាយកម្រងផ្កា គោរពព្រះវិញ្ញាណក្ខន្ធ ព្រះបរមរតនកោដ្ឋ គម្រប់ខួប៩ឆ្នាំ

ថ្នាក់ដឹកនាំនៃរាជរដ្ឋាភិបាល និងបណ្តាក្រសួង ស្ថាប័ន និងអង្គភាពនានា អញ្ជើញដឹកនាំប្រតិភូ ថ្វាយកម្រងផ្កា និងគោរពព្រះវិញ្ញាណក្ខន្ធ ព្រះករុណា ព្រះបាទសម្ដេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យបូរណភាពទឹកដី និងឯកភាពជាតិខ្មែរ “ព្រះបរមរតនកោដ្ឋ” ក្នុងឱកាសខួបលើកទី៩ឆ្នាំ នៃការយាងចូលទិវង្គត នាព្រឹកថ្ងៃទី១៥ ខែតុលា ឆ្នាំ២០២១ នៅមណ្ឌបតម្កល់ព្រះបរមរូប ជិតវិមានឯករាជ្យ រាជធានីភ្នំពេញ។