សម្តេច​តេជោ ហ៊ុន សែន ទទួលជួប​ជាមួ​យ​នឹង​​ប្រតិភូ​​រដ្ឋមន្ត្រី ដែលមក​​ចូល​រួម​​កិច្ចប្រជុំរដ្ឋ​មន្ត្រី​ទេសចរណ៍

135

សម្តេច​តេជោ ហ៊ុន សែន នាយក​រដ្ឋមន្ត្រី នៃព្រះរាជាណា​ចក្រ​កម្ពុជា​បានអនុញ្ញា​ត​អោយ​ប្រតិភូ​រដ្ឋមន្ត្រី ដែលមក​ចូលរួម​កិច្ចប្រជុំ​រដ្ឋមន្ត្រី ទេសចរណ៍​នៃ​ដៃគូសន្ទនា​សហ​ប្រតិបត្តិការ​អាស៊ី​លើក​ទី២​ និងសន្និសីទ​អន្តរជាតិ​លើកទី១ ស្តីពីទេសចរណ៍​ប្រកប​ដោយ​និរន្តរភាព និងទីក្រុង​បេតិកភណ្ឌ​ ដឹកនាំដោយ​ឯកឧត្តម ចន អាម៉ា​រ៉ាទុង​ហ្គា​ រដ្ឋមន្ត្រីក្រសួង​អភិវឌ្ឍន៍​ទេសចរណ៍​ស្រីលង្កា​ចូលជួប​សំដែងការគួរសម នៅទីក្រុង​​សៀមរាប ព្រឹកថ្ងៃទី១២ ខែមិថុនា ឆ្នាំ២០១៧នេះ ។

ក្នុងជំនួប​នេះឯក​ឧត្តម ចន បានអបអរសា​ទរ​ដល់​សម្តេច​តេជោ​ចំពោះ​លទ្ធផលនៃការ​បោះ​ឆ្នោតជ្រើស​រើសក្រុម​ប្រឹក្សាឃុំ-សង្កាត់ កន្លង​មកនេះ និងបាន​សម្តែងការ​អប​អរសាទរ​ផងដែរ ចំពោះសន្និសីទ​នាទីក្រុង​សៀមរាប។ នេះបើតាម​ការបញ្ជាក់​របស់​ឯកឧត្តម អ៊ាង សុផល្លែត ជំនួយការផ្ទាល់​សម្តេចតេ​ជោប្រាប់​ឲ្យដឹងនៅក្រោយ​ជំនួបនេះ។

​ឯកឧត្តម ប្រធាន​ប្រតិភូមាន​ប្រសាសន៍ថា នាពេល​នេះកម្ពុជាមា​នភ្ញៀវ​ទេសចរប្រមាណ ៥លាននាក់មក​ធ្វើទស្សនា។ នេះគឺបានឆ្លុះ​បញ្ចាំង​ពីការដឹកនាំ និងនយោ​បាយ​ដ៏ត្រឹម​ត្រូវ របស់រា​ជរដ្ឋាភិបាល​កម្ពុជា​ឯកឧត្តម​ក៏បាន​សម្តែង​នូវការអបអរសាទ​រចំពោះ​ជោគជ័យ​នេះផងដែរ។

​ក្នុងជំនួប​នេះ​សម្តេច​បាន​មានប្រសាសន៍​ជំរាប​ជូន​គណៈ​ប្រតិភូថា ​ទីក្រុង​សៀមរា​ប កាលពីឆ្នាំ​១៩៧៩​គឺពុំមា​នមនុស្ស​​រស់នៅ​ទេ រហូត​មកដល់​ឆ្នាំ១៩៩៣ ទីក្រុងនេះក៏នៅ​តែមានការ ប្រឈម ការមាន​ជម្លោះជាមួយ​ខ្មែរក្រហម​នៅឡើយ។ សម្តេច​បន្តថា ទីក្រុងនេះបាន​ចាប់ផ្តើម ពីសណ្ឋា​គារចាស់ៗ ចំនួន២ ហើយ​រហូតដល់​ពេល​នេះនៅទី​នេះមាន​សណ្ឋាគា​ររហូតដល់ ១៥០កន្លែងនេះ ដោយ​មិនរាប់បញ្ចូលនូ​វផ្ទះសំណាក់​នោះទេ។ រីឯទេសចរណ៍​វិញបានចាប់ ផ្តើម​ពីសូន្យ​រហូតដល់ពេល​នេះគឺមាន​៥លាន​នាក់ ដែលជាការ​នាំមក​នូវជោគ​ជ័យ​នេះគឺ​ដោយ សារ​កម្ពុជា​មាន​សន្តិភាព សន្តិសុខ រួមជាមួយ នឹងនយោបាយបើក​ចំហរជើងមេឃ​របស់​រាជរដ្ឋា ភិបាលកម្ពុជា។

សម្តេច​បាន​បន្ត​ថា ឥឡូវនេះ​កម្ពុជា​កំពុង​តែជម្រុញ​ការអ​នុវត្ត នូវការនាំ​ចេញនូវនឹង​កន្លែង នោះគឺការនាំចេញ​ផលិត​ផល​ កសិផល កម្ពុជា​មកកាន់​សណ្ឋាគារ ដើម្បី​បម្រើ​ឲ្យ​វិស័យ​ទេសចរណ៍ ហើយការជម្រុញ​ការនាំចេញ​នូវនឹង​កន្លែង​នេះគឺមាន​អត្ថ​ប្រយោជន៍​សំខាន់​ក្នុង​ការ​នាំ មកនូវ​សុវត្ថិភាព​ម្ហូបអាហារ​ដល់ភ្ញៀវទេសចរ​ ដែល​ជម្រុញឲ្យ​មាន​កំណើន​ទេសចរ​មកកាន់ កម្ពុជា​ផង​ក៏ដូច​ជា​ជម្រុញ​កសិ​ផល​ដល់​កម្ពុជា​យើង​ផង ដើម្បីជាចលនា​ជួយ​ជម្រុញ​វិស័យ កសិកម្ម​កម្ពុជា​ឲ្យកាន់តែ​មាន​ភាព​រីក​ចម្រើន​ទៀត៕