ក្រុមហ៊ុន SIEMENS LIMITED THAILAND ជម្រាបជូនសម្ដេចតេជោនាយករដ្ឋមន្ត្រីថា និងបន្តធ្វើពាណិជ្ជកម្មនៅប្រទេសកម្ពុជា

16

ភ្នំពេញ ថ្ងៃទី០៨​​ ខែតុលា ឆ្នាំ២០១៩ — លោក Markus Lorenzini អគ្គនាយកប្រតិបត្តិក្រុមហ៊ុន SIEMENS LIMITED THI​ALA​N​​D​ បានបង្ហាញពីឆន្ទៈក្នុងបន្តធ្វើពាណិជ្ជកម្មនៅក្នុងប្រទេសកម្ពុជា ដោយសារកម្ពុជាមានការរីក  ​ច​ម្រើនទៅលើការអភិវឌ្ឍសេដ្ឋកិច្ច ការអភិវឌ្ឍសង្គម​ជាបន្តបន្ទាប់។

ឯកឧត្ដម កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានថ្លែងដូច្នេះប្រាប់អ្នកយក​ព័ត៌​មា​ន​ បន្ទាប់ពីសម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្រ្តី នៃព្រះរាជា​ណា​ចក្រ​កម្ពុ​ជា បានអនុញ្ញាតឱ្យលោកលោក Markus Lorenzini អគ្គនាយកប្រតិបត្តិក្រុមហ៊ុន SIEMENS LIMITED THI​ALA​N​​D​  ដែលមានការិយាល័យប្រចាំការទីស្នាក់ការ​កណ្ដាលនៅ​ទីក្រុង​បា​ង​ក​ក ចូលជួបសម្ដែងការគួរសម នារសៀលថ្ងៃអង្គារ១០កើត ខែអស្សុជ ឆ្នាំកុរ ឯក ស័​ក ព​.​ស​.២​៥​៦៣ ត្រូវនឹងថ្ងៃទី០៨ ខែតុលា ឆ្នាំ ២០១៩នេះ នៅវិមានសន្តិភាព។

នៅក្នុងជំនួបនោះ លោ​ក Markus Lorenzini បានជម្រាបជូនសម្ដេចតេជោថា ក្រុមហ៊ុន​របស់លោក​មានវត្តមាន​នៅ​ប្រទេ​ស​កម្ពុជារយៈពេលជាង២០ឆ្នាំមកហើយ ដូច្នេះលោកចង់​មកជួបសម្ដេច​ដើម្បីពិភាក្សា​កា​រ​​ងារ ក៏​ដូច​ជាសម្ដែងការគួរសម។ លោកបានអរគុណសម្ដេច​តេ​ជោ​នា​យ​ក​រដ្ឋមន្ត្រី ដែលបានអនុញ្ញាតឱ្យលោកចូលជួបនាថ្ងៃរសៀលនេះ ហើយលោកពិ​តជា​រីក​រាយដែ​ល​​បានជួបសម្ដេចសារជាថ្មីម្ដងទៀត ដោយរូបលោកធ្លាប់ជួបសម្ដេច កាលពី​ឆ្នាំ២០០៧ក្នុង​ឱ​កា​ស​​​កិច្ច​ប្រជុំវេទិកាសេដ្ឋកិច្ចពិភពលោកស្ដីពីអាស៊ាននៅរាជធានីភ្នំពេញ។ លោកអគ្គ​នាយកបាន​ប​ន្ត​ កន្លងមកលោក​បាន​ធ្វើ​ការ​យ៉ាងជិតស្និទ្ធ ជា​មួយទាំងវិស័យរដ្ឋ និងឯកជន ហើយលោក​គិត​ថា​ ប្រទេសកម្ពុជា នឹងមានអនាគតដ៏ត្រចះត្រចង់ ជាពិសេស​បន្តធ្វើការរួមជា​មួយ​គ្នា​។លោកបានវាយតម្លៃថា កម្ពុជា នឹងធ្វើដំណើរទៅមុខយ៉ាងលឿន និង​ក្លាយជាប្រទេសមួយ​ឈា​នមុ​ខនៅ​ក្នុង​តំបន់​អាស៊ី។ ជាមួយគ្នានេះ លោកបានជម្រាបជូន​សម្តេចតេជោថា បច្ចុ​ប្បន្ន​ក្រុ​មហ៊ុន​រ​ប​​ស់​លោ​ក ​ក៏បាន​និងកំពុង​ធ្វើការ​ជាមួយ​ក្រុមហ៊ុនស្រា​បៀរកម្ពុជា ដោយផ្តល់ការផ្គត់​ផ្គង់​ផ្សេ​ង​ៗ និងបាន​សហការ​ជាមួយក្រសួងរ៉ែ និងថាម​ពល ដោយ​បាន​ធ្វើការជាច្រើនដែល​ពាក់ព័ន្ធ​នឹង​វិស័​យថាមពល ជាពិសេស​វិស័​យអ​គ្គិសនី។ លោកក៏បានអះអាងថា នឹងបន្ត​ធ្វើ​យ៉ាងណា​ឱ្យ​វិស័យអគ្គិសនី មានស្ថិ​រភាព និងប្រើ​ប្រាស់​គ្រប់គ្រាន់ ដើម្បីជាការអូសទាញអ្នកវិនិយោគ ឱ្យ​មក​បណ្តាក់ទុ​ននៅ​ប្រទេស​កម្ពុជានៅលើ​វិស័យ​ផ្សេងៗទៀត។

សម្តេចតេជោនាយករដ្ឋមន្ត្រី ហ៊ុន សែន បានមានប្រសាសន៍អរគុណដល់លោក Markus  ដែល​មា​ន​​វត្តមានក្រុមហ៊ុននៅក្នុងប្រទេសកម្ពុជា និង​បាន​បន្ត​សហការជាមួយវិស័យ​ឯកជននានា  ក៏​ដូច​​ជាវិស័យរដ្ឋាភិបាល  ជាពិសេសជាមួយក្រសួងរ៉ែ និងថាមពល ហើយ បច្ចុប្បន្ននេះប្រទេ​ស​​​​កម្ពុជា ក៏បានសហការជាមួយប្រទេសអាល្លឺម៉ង់ផងដែរ នៅលើវិស័យដទៃ​ទៀត។ សម្តេ​ច​តេជោបានបន្តថា វាជារឿងល្អ ដែលក្រុមហ៊ុន SIEMENS បានសហការ​ជាមួយ​ក្រសួងរ៉ែ និង​ថា​​ម​ព​ល លើវិស័យអគ្គិសនី ជាពិសេសសម្តេចក៏ចង់ឃើញក្រុមហ៊ុន SIEMENS បន្តសហការ​ជា​មួ​​យនឹងកម្ពុជា លើវិស័យ​ថាមពលនេះតែម្តង។ សម្តេចតេជោបន្តទៀតថា អ្វីដែលជាក់ស្តែង​ប្រទេ​ស​ក​ម្ពុ​ជា មា​នតម្រូវការនៃចំនួនប្រើប្រាស់អគ្គិសនី តាំងពី​មុនមក គឺ​មាន​ការកើនឡើងជាលំដាប់ ជា​ពិ​សេសដោយសារកំណើនសេដ្ឋកិច្ច។ ដូច្នេះដើម្បីឆ្លើយតប នឹងតម្រូវ​ការនេះ ចាំបាច់យើង​ត្រូ​វតែបន្តការវិនិយោគនៅលើវិស័យអគ្គិសនីនេះជាបន្តទៀត។       សម្តេចតេជោនាយករដ្ឋមន្ត្រី ក៏បាន​ជ​ម្រាបជូនភ្ញៀវដែរថា នៅពេលនេះ ប្រជាពលរដ្ឋ​កម្ពុជាទាំងអស់ បានប្រើប្រាស់​ថាម​ពល​អគ្គិ​ស​នី​មានរហូតដល់ទៅជាង៧៣ភាគរយ  នៃថាម​​ពលអគ្គិសនី។ ក្នុងតម្រូវការជាច្រើនបែបនេះ កន្ល​ង​ម​ករាជរ​ដ្ឋាភិបាល​កម្ពុជា ក៏បានចុះ​ហត្ថលេខាជាមួយប្រទេសឡាវ និងប្រទេសដទៃទៀត ដើ​ម្បី​ទិញថាមពលអគ្គិសនី និងទិញ​ម៉ាស៊ីន​ភ្លើង​ជា​ដើម។ សម្តេចតេជោក៏បានសំណូមពរ ឱ្យ​ក្រុ​ម​​ហ៊ុន SIEMENS បន្តធ្វើការជា​មួយ​ក្រសួងរ៉ែ និងថាមពល ដើម្បីជួយធ្វើ​ការបណ្តុះ​បណ្តា​ល​ធ​ន​​ធានមនុស្ស​ខាងវិស័យ​ថាមពល  ហើយក្រៅពីនេះសម្តេច​ក៏បានពិភា​ក្សាជា​មួយលោ​កនាយ​ក​ក្រុ​ម​​​​​ហ៊ុន SIEMENS ​​ អំពី​ការតបណ្តញចែកចាយថាមពលអគ្គិសនី​នៅទូទាំងប្រទេសកម្ពុ​ជា​ផ​ង​​ដែរ៕

ដោយ ជឹម ណារី